Home Gobierno Ta lamentable cu argumento a caba cu Endy Croes y ta bay...

Ta lamentable cu argumento a caba cu Endy Croes y ta bay over na politica di atake personal

41
0
SHARE
- Advertisement -

Parlamentario Jennifer Arends-Reyes

ORANJESTAD (AAN): Segun sra Arends-Reyes recientemente Sr Endy Croes ta menciona tata di Parlamentario Arends- Reyes cu no ta politico, ni ex-politico, no ta figura publico, no ta miembro di prensa y no mester di favor politico di ningun partido tampoco.

Pa informacion di Sr Endy Croes, sra Arends-Reyes no tin nada que haber cu e negoshi di su tata ni su maneho y esun cu kier sa ta liber pa pasa cerca e comerciante pa puntre ken tur ta su clientela.

Sra Arends-Reyes su tata tin mas cu 30 aña di experiencia den su ramo di profesion y su compania ta haci trabao pa tur cliente cu acerk’e incluyendo companianan priva y estatal. Pues e tata di e parlamentario su relacion profesional cu companianan na Aruba ta hopi mas prome cu Sra Arends-Reyes a drenta politica na 2013.

Ta tristo, lamentable y baho cu Sr Endy Croes ta recuri na purba difama hendenan nomber cu insinuacionan incorecto y vil. Sra Arends-Reyes ta lamenta y condena si den caso cu trahadornan, hendenan profesional ta presta nan mes pa saca informacion confidencial di compania estatal pa e wega politiconan aki.

Laga Sr Endy Croes trece e pruebanan cu e tin segun e mes a bisa, cual lo ta interne stukken di e compania y e pregunta lo ta e ora ta con el a yega na nan. Ta parce cu ta Sr Croes como politico kier purba mete den maneho di companianan y kier duna opinion di ken mag of no ta cliente di otro, cual ta incorecto, y sumamente lamentable.

Ta parce cu Sr Endy Croes kier purba intimida tur hende cu lo tin un opinion diferente na di dj’e. Esey ta algo inaceptabel ora ta biba riba un pais democratico. Tin biaha por ta dificil pa cierto hendenan comprende cu no ta tur cos ta relata na politica, e ta un mentalidad incorecto pa ta asina ‘politiek verziekt’. ‘Sr Endy Croes duna espacio pa otro tin otro opinion cubo y bo no mester bay asina leu na ataka personan cu no ta politico, ni ex-politico, of figura publico pa bo sintibo great’ sra Arends-Reyes ta recomend’e.

Y si ta gana di busca ehempel di supuesto favor politico e tin, e parlamentario di MEP no mester wak mucho leu di su mesun seno pa wak kico ta pasando na 2018 caminda por mira cu tin nepotismo pa friends y family  den gobierno ta tumando lugar. Ningun di e miembronan di e partidonan cu ta sostene gobierno no ta cuestiona e decisionan aki cu e gobierno nobo ta tumando, pues ban drecha mundo cuminsando na nos mes sra Arends-Reyes ta termina bisando.

- Advertisement -

DUNA COMENTARIO

Please enter your comment!
Please enter your name here