Home Policial Nan ta vigila y actua contra tur locual ta violacion di ley

Nan ta vigila y actua contra tur locual ta violacion di ley

169
0
SHARE
- Advertisement -

Flex Team:

ORANJESTAD (AAN): Riba diadomingo 10 di juni 2018 anochi pa 21:25  tambe Flex Team tabata patruyando  den  casnan di pueblo Noord. Yegando altura di Duartestraat percela 8, nan ta wak un Nissan March color maron staciona dilanti di e cas encuestion.

Den e vehiculo ta sinta tres persona y durante e polisnan ta pasando nan a haya holo fuerte di marihuana kima. Ta trata di un auto cu stuurwiel na man drechi. Na e momento ey no ta tin ningun otro personanan den cercania di e vehiculo.

Ora cu polisnan baha for di auto patruya, un di e miembronan di Flex Team  ta wak un hende homber kier baha rapido for di e vehiculo na banda chofer. Tambe nan a wak cu e homber a benta un saco plastic transparente den cura di e cas den Duartestraat, pa medio di flashlight a luza den cura y wak saco plastic transparente cu cantidad grandi di  piedra parecido na Cocaina.

Polis a reconoce e homber mesora como e conocido di husticia B.F. mihor conoci como “Cabez di Clabo”. Polisnan a acerca e auto na banda pasahero y a pidi pa e dos pasaheronan baha for di e vehiculo. Polis a luza den e auto y na suela den e vehiculo tin un caha preto den cual ta contene tres saco plastic transparente cu basta yerba parecido na marihuana.

Tambe  a wak papel di vloei grandi color blanco lora den forma di un cruz riba dashboard cu algun resto di marihuana rond did je. Tur e droga ariba menciona y atributonan abase di demas e investigacion a wordo confisca.

Locual ta e sospechosonan B.F. naci na Aruba, G.K. naci na Aruba 09 Augustus 2000 y D.E. naci na Aruba 03 Maart 1998 a wordo deteni pa viola ley di droga.

Polisnan tambe a listra e detenidonan y sospechoso B.F. a wordo haya un tas contene diferente placa papel Mericano y tambe florin Aruba di diferente valuta. E tas aki tambe a wordo confisca pa lo demas investigacion. E suma di placa lo wordo entrega na Afpak Team.

Tambe Flex team a tene e asina yama Spotcheck  control. Aki diferente auto a wordo controla y cierto cantidad chikito di marihuana, saco plastic contene cocaina, algun piedra cocaina chikito, skernan, cuchionan, asina yama aparatonan pa mula marihuana y tur e articulonan ariba menciona tambe a wordo confisca.

Entre 4 Juni 2018 te cu 10 Juni 2018 un total di 116 control Flex team a hasi. Nan hasi cuater Detencion. Un detencion pa core auto bao influencia y tres detencion pa violacion di ley di droga.

- Advertisement -

DUNA COMENTARIO

Please enter your comment!
Please enter your name here