Home Gobierno Minister Besaril a reuni cu Danny de Paepe di Bureau di Informacion...

Minister Besaril a reuni cu Danny de Paepe di Bureau di Informacion di Union Europeo

10
0
SHARE
- Advertisement -

ORANJESTAD(AAN)—  Danny de Paepe di Bureau di Informacion di Union Europeo recientemente a haci un bishita di cortesia cerca Minister Plenipotenciario Guillfred Besaril.

Durante di e bishita a papia riba e proximo eleccion pa Parlamento Europeo, 23 di mei otro aña. Habitantenan di Aruba cu tin paspoort Hulandes of paspoort di un otro pais Europeo ta ciudadanonan Europeo. Esaki kiermen cu nan tin derecho di voto pa e eleccion aki. Hopi persona den e partinan di Reino Caribense no tur ora ta conciente di e derecho aki. Mester bin mas informacion riba kico Union Europeo ta haci riba diferente tereno y kico esaki ta nifica pa e Arubiano.

Minister Besaril a bisa sr. De Paepe cu akinan tin trabao ainda pa haci y ta spera cu e Bureau di Informacion di Union Europeo, mescos cu nan ta brinda informacion na ciudadanonan na Hulanda, por brinda e mesun servicio aki pa e habitantenan na e parti di Reino Caribense.

E potret ta cortesia di Cas di Aruba

- Advertisement -

DUNA COMENTARIO

Please enter your comment!
Please enter your name here