Home Turismo Turistanan a disfruta un atardi di zumba cu Riu Palace Aruba y...

Turistanan a disfruta un atardi di zumba cu Riu Palace Aruba y Riu Palace Antillas

18
0
SHARE
- Advertisement -

ORANJESTAD (AAN): Diadomingo atardi Riu Palace Aruba y Riu Palace Antillas a tene un actividad recreativo pa bishitantenan. E atardi aki e team dinamico di Riu Activities di ambos hotel a bini hunto y a haci e actividad di zumba cu e turistanan riba beach.

Hopi turista a participa den e sesion di zumba, unda cu nan a pasa un momento agradabel bailando y haciendo ehercicio riba beach. E teamnan di Riu Palace Aruba y Riu Palace Antillas hunto cu turistanan a haci ehercicio riba diferente cantica. Na final e turistanan no tabata kier a stop di baila. Tur a gradici e team di Riu p’e momento ameno cu nan a pasa.

Riu Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014.

Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.

- Advertisement -

DUNA COMENTARIO

Please enter your comment!
Please enter your name here