Home arte y espectaculo Trabaonan di logistica a cuminsa riba tereno di Flip Flop Festival 2018

Trabaonan di logistica a cuminsa riba tereno di Flip Flop Festival 2018

16
0
SHARE
- Advertisement -

ORANJESTAD (AAN): E anticipacion pa Flip Flop Festival cu lo cuminsa e fin di siman aki ta sigui crece despues cu diamars mainta trabaonan a cuminsa riba e tereno pa por tin esaki cla pa e mega concierto di dialuna dia 30 di April. Un grupo di mas di 30 persona lo ta trahando dia y anochi por tin un localidad di concierto unico.

Esaki ta prome biaha cu lo ta uzando e pida tereno aki despues cu Bushiri hotel a worde tumba. E area ta hopi mas atractivo mirando tur e matanan di coco, mas santo blanco y mas cerca di lama.

Elite Productions & Entertainment ta encarga cu e parti di logistica y e escenario principal. E ingenieronan di Elite a sa di diseña un escenario completamente moderno cu lo sirbi pa tur e artistanan internacional manera Fat Joe, Beenie Man, Alborosie, Karol G y Jeon presenta riba dje. Ariba e imagen por mira con henter e localidad lo ta parti entre entrada, standing vip (Week End Passes), Vip Tables (Gold), Seccion General, Escenario, Area di baño, Bar, Area di cuminda etc.

Mirando e cantidad di hende cu ta spera na e evento siguridad tambe ta hunga un rol hopi importante pa tur persona cu lo ta presente pero tambe e artistanan local y internacional. Un ekipo profesional di miembronan di siguridad lo percura pa tur cos cana manera mester ta y sin ningun iregularidad. Ta importante pa informa cu hobennan di 16 y 17 aña di edad por atende e festival pero nan mester ta compaña pa un adulto.

Carchinan ta na benta na balor di 75 Florin den e seccion general. Tambe por cumpra VIP weekend pass y mesa. Di e seccion di mesa tin solamente 5 mesa mas disponibel. Pa loke ta e Week End VIP pass esaki ta dunabo acceso durante e concierto pa e area di Standing VIP cu ta ubica net dilanti e stage y acceso na e fiesta di apertura y e pool party na Renaisance. E prijs pa e seccion aki actualmente ta na benta pa AWG. 125,-. Na porta prijs lo subi.

Pa loke ta e Mesanan di VIP esakinan tambe ta duna acceso na tur tres anochi di e festival y durante e anochi di concierto lo ta riba un plataforma halto pa un tremendo bista. Pa VIP por yama: 735-1507. E carchinan ta obtenibel na Citgo Palm Beach, Citgo Boulevard, Citgo Santa Cruz y Citgo Essoville. Flip Flop Festival is Powered by Chill Beer, Digicel, JDB Agency and Elite Productions & Entertainment

- Advertisement -

DUNA COMENTARIO

Please enter your comment!
Please enter your name here