Home Gobierno Maneho estricto encuanto maneho di admision di stranhero y naturalizacion tambe

Maneho estricto encuanto maneho di admision di stranhero y naturalizacion tambe

201
0
SHARE
- Advertisement -

Minister di Husticia mr. Andin Bikker:

ORANJESTAD (AAN) – Den conferencia di prensa di gobierno, dialuna mainta, tabata presente tambe mr. Andin Bikker, titular di Husticia y Integracion.

E dignatario a trata e tema di maneho di admision y movilizacion di e personanan cu ta biaha entre Venezuela y Aruba. Tambe el a referi na un chofer cu tabata teroriza ciclista, peaton y personanan cu ta eherce deporte di jogging.

Encuanto e prome tema, e mandatario a señala cu e admision di personanan procedente di Venezuela ta keda igual di stricto y cu ta keda controla esnan cu ta drenta como turista pero despues no kier abandona nos pais.

E maneho aki na lugar di cambia ta bay bira mas estricto. Den e rosea aki ta bay mira hopi di cerca e fenomeno di matrimonio ficticio. Por ripara, e mandatario a subraya, cu por ta pa motibonan humanitario hopi persona ta accede na duna shelter na hende cu ta bin como turista, y di eynan ta bay over pa bay na un lazo familiar cu nan.

Minister mr. Bikker a subraya cu hopi biaha nan ta crea impresion cu e lazo familiar aki ta mas bien matrimonio ficticio cu ta sosode pa otro motibonan y no necesariamente pa forma un famia a base tradicional.

E mandatario a enfatiza cu gobierno ta sigui vigila esaki di cerca, pasobra tin remarca y indicacion for di Censo cu esey ta sosode y e ta un desaroyo hopi preocupante.

Den e cuadro aki, mas tarda pa Dialuna otro siman, e decreto lo keda cla pa duna autoridad na KPA pa polis uniforma por controla e ley di admision, y esey ta algo cu pa hopi aña polis tabata anhela pa haya e autoridad aki bek, y awor ta e momento propicio pa laga traha e Landsbesluit, y e lo wordo formaliza mas tarda pa e fin di siman si no na cuminzamento di otro siman.

Los di esey, den su totalidad, e ley di LTI cu ta e base legal pa admision di turista of personanan cu kier bin traha aki. Esaki for di 2007 no a wordo cambia y e gobierno cu a baha na 2012 a presenta un concepto na Parlamento, pero no a formalice. Esaki a haci cu na Mei aña pasa Hulanda a manda un carta cu un tono fuerte y un deadline cu na Januari cu a pasa a stop di reconoce cierto permisonan den cuadro di naturalizacion.

Esaki ta un di e motibonan cu e dignatario a bay Hulanda siman pasa, ademas di a contesta e carta, y a papia tocante esaki cu e Secretario di Estado y el a duna di conoce cu lo extende e deadline di parti di Reino Hulandes.

Debi na esaki, tur e dianan aki, lo dedica atencion tambe pa traha riba e concepto aki, y e fin di siman aki e dignatario mes a agrega un par di detaye acerca, door di e experticia cu e tin, y e ta spera cu e concepto di ley aki pronto por wordo entrega na Parlamento.

 

- Advertisement -

DUNA COMENTARIO

Please enter your comment!
Please enter your name here