Home Social Peregrinacion pa Kapel di Alto Vista di Blue Army Paradera y Pastoor...

Peregrinacion pa Kapel di Alto Vista di Blue Army Paradera y Pastoor Toti

16
0
SHARE
- Advertisement -

ORANJESTAD (AAN) – Blue Army Paradera y Pastoor Toti ta participa cu “Diahuebs Santo, 29 di Maart 2018, lo tin e acostumbrado Peregrinacion y Caminda di Cruz pa Kapel di Alto Vista.

Esaki lo cuminsa 12.00 di anochi (a.m.) dilanti Misa di Paradera. Tur hende ta wordu invita.

Lo cuminsa manera semper cu e Santo Rosario, canticanan y oracionnan.Tur hende ta ser pidi pa bin cu un flashlight chiquito. Copia di e canticanan lo wordo poni patras den Misa Santa Filomena riba banki manera custumber.

Tur esnan cu ta tuma parti na e Peregrinacion aki ta ser pidi pa bin decentemente bisti y pa hasi e Peregrinacion y Caminda di Cruz cu hopi devocion y Amor. No mag di stroba otronan.

Na Kapel di Alto Vista lo tin un bus pa hiba tur hende bek na Misa Santa Filomena na Paradera. Den nomber di Señor nos Dios bao guia di Spirito Santo nos tur lo uni den oracion pa alab’E y gradisi’E pa tur lo cual E a sufrí pa nos por haya Salbacion, pa tur esnan cu ta den sufrimento y pa paz mundial.

Blue Army y Pastoor Toti ta desea henter e pueblo di Aruba un feliz Semana Santa cu yen di devoción, reflexión y amor.

- Advertisement -

DUNA COMENTARIO

Please enter your comment!
Please enter your name here