Home Social Grupo Uni a celebra nan 40 Aniversario

Grupo Uni a celebra nan 40 Aniversario

15
0
SHARE
- Advertisement -

ORANJESTAD (AAN): Diaranson atardi 21 maart, miembronan di grupo uni a acudi na misa St. Anna pa gradici Dios cu a yega na celebra 40 aña di existencia. Pastoor Santiago a bendiciona tur miembro presente.

Diahuebs 22 Maart 2018 ta e fecha oficial di Grupo Uni. Mainta 10 or bus a busca miembronan na Centro di Bario Noord y hiba nan na Marriott Hotel su ballroom.

Comision organisatorio a ricibi nan na porta E mainta a habri cu a yama tur bon bini sigui cu oracion di Carmen Tromp a canta Himno di Aruba y di Grupo Uni. Juliana Gil cu a cuminsa cu e grupo 40 aña pasa a hiba palabra sigui pa su yiu Glenda cu a lanta Grupo Uni. Juliana Figaroa a invita pa e brindis di celebracion.

Titi Tromp a hiba palabra y deleita nos cu un poesia. Un parti bunita tabata ora Carmen Frans a yama Sra Emilia Tromp padilanti pa a ricibi un regalo den nomber di tur miembro y comision pa e bon trabou di tesorera cu Emiliana a haci pa Grupo Uni durante 40 aña. Mariana a haci entrega di e regalo.

A celebra cu snacks, sopi y un lunch . Pa dos ora largo Francis Tromp, Igor y Quincy Hasham a entretene cu musica. Durante celebracion miembronan a ricibi un sorpresa ora cu gerencia di Marriott Casino a parti Voucher pa bay den Casino despues di Lunch. Na final a parti un tas cu diferente regalo pa tur miembro.

Un bunita celebracion cu a dura 4 ora largo. Esakinan tur tabata posibel danki na yudanza di diferente organisacion y famia cu aporta na e celebracion comision organisatorio cu a consisti di Juliana Gil.

- Advertisement -

DUNA COMENTARIO

Please enter your comment!
Please enter your name here