Home Cultura E ambiente prome cu cada parada

E ambiente prome cu cada parada

14
0
SHARE
- Advertisement -

ORANJESTAD (AAN)—Nos sa masha tanto bon, cu nos hendenan ta gusta un mundo e ambiente di Carnaval y semper bo ta haya prome cu e parada mes, tur e ultimo detayenan cu mester tuma lugar, e ultimo toke nan di pintamento, yena blaas, prepara e curpa pa e wanta henter e ruta, otronan cu no perde di gana pa percura pa yena stoma super bon, musiconan di brass band, buscando tape rond pa asina tape e dedenan pa e no faya durante di parada of haya blar y asina un cantidad di asunto cu nos hendenan ta gusta haci prome cu e parada y esey sin por laga afo, e canamento ariba caya bay bin, wak ken conoci tey banda pa pasa cuminda, e muchanan cu ta probecha di e cayanan cera pa asina basila rond cu nan bicicleta y un sin fin di cosnan cu nos ta custumbra cu ne, durante cada parada.

Algo cu sigur nos no por lubida ariba dje, ta esnan cu ta trahando duro pa asina henter e parada bay na ordo y entre nan ta bon pa nos menciona e Polisnan cu tey pa percura pa no tin ningun problema rond, e personal di D.O.W cu ta pone y kita tur baricada y tur esnan encarga pa percura pa e parada cana bon y na ordo.

Porcierto un palabra di pabien ta bay na e personal di D.O.W cu a percura pa e trucknan por a wordo bunita decora cu blaas y asina crea un ambiente carnavalesco mas extra pa tur e trucknan aki.

- Advertisement -

DUNA COMENTARIO

Please enter your comment!
Please enter your name here