Home General Cas di Luz su cobranza di coriente ta sali 6.000 Florin

Cas di Luz su cobranza di coriente ta sali 6.000 Florin

1390
0
SHARE
- Advertisement -

Compra di luz a sali 11.700 Florin

ORANJESTAD(AAN): Un multitud di hende a acudi na Cas di Luz.

Segun Selma Helder, pa 28 aña largo e ta activo cu parti di decoracion y tambe organizatorio di “Cas di luz”. Cas di luz mes tin 32 aña aña di existencia, dus e ta pasa di generacion pa generacion. Den e parti di voluntario nos tabata tin hopi hende pero mayoria di nan e smaak a kita y algun a bay biba den otro bario, pero mayoria cu tey ainda ta famia di otro of ta bisiña cerca.

Cas di luz no tin sponser oficial, pero e ta considera e personanan cu ta cumpra na bar y cushina nos sponser mas grandi.

E aña aki den coperacion cu “ Do it Center” nan a yega na un areglo di pago pa asina nos por haya e luznan na tempo pa por decora prome cu e temporada di fin di aña drenta porta.

Pa ser exacto e luznan a sali nos mas o menos 11.700 Florin. Pa nan por paga e cobranza di NV Elmar, nan ta haci un bendemento di cuminda pa por cubri esey. E cobranza di coriente di Elmar ta sali den careda di 6.000 Florin.

Nan tin 50 solar panels eynan, y nan ta ‘bende’ Elmar e coriente aki durante full aña, e unico mala suerte ta cu awa a yobe basta e temporada di fin di aña aki y e solar panels no ta genera suficiente coriente pa por uza pa nan mes.

Nan ta sumamente agradecido cu e acogida cu nan a recibo di e pueblo Arubano e temporada aki. Nan ta desea na tur un feliz aña y cu paz y prosperidad reina den cada un hogar aki na Aruba. Nan ta contento pa haci esaki pa Aruba pa e ultimo 32 aña nan tras di lomba y nan ta conta cu boso a aña aki pa por celebra e di 33 aña di existencia.

- Advertisement -

DUNA COMENTARIO

Please enter your comment!
Please enter your name here