Home Gobierno Absolutamente no tin na Aruba un Instancia pa atende cu mucha cu...

Absolutamente no tin na Aruba un Instancia pa atende cu mucha cu problema mental

42
0
SHARE
- Advertisement -

Minister Presidente ta admiti:

ORANJESTAD (AAN) – Den conferencia di prensa cu Prome Minister mr. Evelyn Wever-Croes, dentro di e tema cu el a reitera di e dos muchanan chikito Anastasia cu loke a sosode cu nan ta un recuerdo tristo cu nos tur a seya den nos memoria, e dignatario a indica cu nos sistema a faya pasobra y comunidad tambe pasobra no por a detecta e situacion pa evita e tragedia cu ta envolve e caso.

Den e contexto aki, pa loke ta trata salud mental cu ta parce ta un factor den e sucedido, di parti di DIARIO a trece dilanti locual tin den un famia cu un hobencito di 11 aña, cu su mama a recore tur instancia posible sin haya un ayudo pa su yiu cu ta sufri di problema mental. Un mucha cu ni sikiera tin un scol cu e por bay, pasobra masha lige e mucha ta wordo manda cas y ta bao remedi pisa e ta, y hasta polis mester interveni ora cu e hobencito ta den su crisis.

Tabata tristo y sorprendente di a scucha nos prome mandatario declara cu e problemanan mental cu nos ta confronta den nos comunidad, ta hopi serio. “E ta un tema cu no a haya suficiente atencion. Por ta e ta inherente na e persona cu, kizas, no kier papia di dje, pero e ta un problema serio”, e dignatari a expresa.

Den e caso specifico di e mucha di 11 aña cu no ta haya ayudo Prome Minister a subraya cu berdad na Aruba no tin mes un instancia pa yuda muchanan cu problema mental.

“Pa adulto cu problema mental mes tin poco, pero pa mucha no tin. Y tampoco pa un mucha asina nos tin instancia pa hinke pa e keda un tempo por ehemplo Imeldahof, of Centro Orthopedagogico, no ta tuma muchanan cu tin problema asina severo.  Es decir, nos tin un buraco hopi grandi den nos sistema cu no ta acapare”, Prome Minister a subraya.

El a agrega cu casualmente, cu prome cu fin di aña tabata tin un cambio pa Fundacion Respaldo, encuanto cuido mental na Aruba y den esaki e intencion ta pa bay duna atencion tambe na casonan di mucha y hobennan, entre otro, pa nan haya ayudo ambulatorio na cas, y si realmente no por mester bin “save houses”, pero mester bin un caminda unda e muchanan aki por bay.

“Na PAAZ no por hiba e muchanan aki pasobra bo no ta yude pasobra apenas e ta atende cu adultonan. Cu e cambio aki e minister a indica cu prioridad ta wordo poni na cuido mental y siman cu a pasa el a reuni cu e Comision cu ta bay yude cu esaki, pa atende cu e tema si problema mental pero specialmente, nos muchanan” e dignatario a expresa, y a reitera cu pa adultonan tin un lugar pa atencion, pero pa muchanan absolutamente no!

 

- Advertisement -

DUNA COMENTARIO

Please enter your comment!
Please enter your name here