Home Gobierno Minister Glenbert Croes kier mira un Aruba sin e fenomeno di Uitzendbureaus

Minister Glenbert Croes kier mira un Aruba sin e fenomeno di Uitzendbureaus

206
0
SHARE
- Advertisement -

ORANJESTAD(AAN): Minister di Labor y Asuntonan Social Glenbert Croes ta haya cu mester bin algun cambio riba e tereno laboral, unda cu entre otro mester bin mehoracion di salario, mehoracion di bida, di trato y salud y seguridad pa tur trahador aki na Aruba.

Esaki mester bay atravez di cierto cambionan di ley y iniciativanan nobo cu e minister kier presenta.

“Tin di nan tin di haber cu e asina yama ‘Arbowet’ cu pa 15 aña ta colga caba y pa un motibo of otro a wordo tranca”.

“Nos ta bay finaliza esaki y mester bin un structura nobo di salario”.

Esaki segun Croes, kende a sigui bisa cu si bo no tin papel di estudio pero durante añanan largo bo a traha hopi bon y a haya hopi experiencia, bo no ta wordo balora pa e experiencia cu bo tin.

“Si bo caba un bon estudio mes, ley no ta obliga e dunador di trabao pa paga bo un bon salario pa e estudio cu bo tin”.

Esaki segun Croes, kende a indica cu pesey hopi studiante ora nan caba nan estudio, no kier bin bek pa traha na Aruba.

“Mi deseo ta pa ora cu mi periodo di 4 aña den Gobierno yega su final, nos lo ta den un Aruba liber di e fenomeno cu ta yama Uitzendbureau”.

“Uitzendbureaus a hasi uso di un buraco den ley, unda cu trahadornan cu ta traha atravez di un uitzendbureau no tin chens pa tin un futuro, sino solamente nan tin un trabao temporal”.

Esaki segun minister Croes, kende a sigui bisa cu e trahadornan ey no tin chens pa haya un prestamo na banco pa cumpra por ehempel un auto of cas.

Trahadornan mester wordo brinda mihor posibilidadnan pa futuro, segun e minister di Labor.

“E ehempel ey tambe e gobierno di Aruba mester dune, esta e departamento, fundacion y NV-nan di Gobierno”, segun e minister.

 

- Advertisement -

DUNA COMENTARIO

Please enter your comment!
Please enter your name here