Home Gobierno Minister Dangui Oduber mustrando cu problema mental ta uno serio

Minister Dangui Oduber mustrando cu problema mental ta uno serio

32
0
SHARE
- Advertisement -

ORANJESTAD(AAN): Problema mental ta un problema serio cu nos como comunidad tin cu atende cun’e.

Segun Ministro Dangui Oduber, esaki tin prioridad pa Gobierno, e tin prioridad pa Stichting Respaldo, pa PAAZ manera cu e tabata den pasado.

Awo cu e traspaso, por garantisa e comunidad Arubiano, por atende cu e problema aki na un manera diligente. Pa hopi aña caba esaki tabata e intension caba pa tin un fundacion pa atende cu personanan cu problemanan mental.

Por a mira ultimamente, continuamente den medionan di comunicacion, mas y mas e problemanan aki ta bira conoci pa comunidad y e ta un problema serio cu ta afectando nos comunidad, afectando famianan y pesey ta necesario. Pa Gobierno, como ministerio di salubridad, duna e atencion na e problemanan aki cu e merece.

Segun minister Dangui Oduber, e fundacion nobo, esaki lo ta e caso.

Ta bay busca mas FDA’s, mas trahado pa atende cu e problemanan aki. Ta bay inverti mas placa. Ta bay atende cu infrastructura pa duna e garantia cu e problemanan mental cu tin na Aruba na e momentonan aki, ta worde atendi y como Gobierno, na e momento cu a sinta cu Respaldo, a sinta cu e sindicato tambe di hospital, puntranan kico ta nan pensamento y na momento nan a trece dilanti cu e intencion ta bon y no tin problema cu e traspaso. A reuni cu e director tambe y a puntre kico ta su pensamento riba esaki. Na un manera responsabel, e decision final a worde tuma, cu e traspaso oficial a tuma luga.

Pero e traspaso oficial ta cuminsa for di 1 di Januari. A bin un pregunta tambe kico ta bay pasa cu SPD. Gobierno tin cu bay tuma un decision conhunto cu Directie Volksgezondheid y SPD mes., kico ta nan deseo pa na un manera responsabel, tuma e decision kico ta e miho manera pa sigui cu SPD, sea cu ta bao di Respaldo of nan ta keda un departamento, un dienst di gobierno y keda brinda e servicio. Na final di dia Gobierno, como ministerio, e meta ta, pa brinda un miho cuido, brinda un miho servicio. Ta pesey Respaldo a worde funda y esey ta e intencion final, cu mester mehora e cuido cu ta worde brinda na nos comunidad.

 

 

 

- Advertisement -

DUNA COMENTARIO

Please enter your comment!
Please enter your name here