Home General DOW ta haya cu contratista a cumpli cu e trabaonan pa limpieza...

DOW ta haya cu contratista a cumpli cu e trabaonan pa limpieza di Bushiri Hotel

40
0
SHARE
- Advertisement -

ORANJESTAD(AAN): DOW tambe tey presente na e luga caminda cu edificio di ex Bushiri tabata ubica. Esaki tabata pa hopi aña un discusion den comunidad. Erick Vrolijk, project manager, a splica cu e proyecto aki a worde otorga na Van den Broek, We Build It Construction, cu a haya e trabao pa basha e edificio abao.

El a gana e destaho publico. A otorga e trabao. El a cuminsa na comienso di September. Conhuntamente cu DTI y tambe Ace Engineering cu a pone un extra persona pa por controla e proyecto, mester a tuma pasonan pa prome kita tur e asbest cu tabata tin riba e edificio.

Esey tabata bao di supervision tambe di DTI y Ace Engineering. Despues cu e por a kita tur e asbest cu tabata segun regla cu mester bay cu precaucion, a cuminsa basha e edificio abao.

Te awe, cu eigenlijk cu nan ta kedando cla cu tur e parti aki di kita tur e cosnan cu ta riba e tereno.

Segun DOW, nan a cumpli. Conhuntamente cu DTI a controla e proyecto y te awor aki e ta bayendo conforme e acuerdonan cu tin cu e trabao mester tuma luga.

Te awor aki e trabao ta pa otorga e tereno na gobierno, haci’e mas limpi y mas bunita posibel. Gobierno mester tuma e decision kico mester haci cun’e. Awo ta purba di lage pa hende por haci uzo di e beach pa deporte of pa recreaccion.

Awo oficialmente e por cuminsa worde uza awo cu e tereno, worde entrega door di e contratista. Awe lo cuminsa kita e hekwerk. Hende ya por cuminsa subi riba e tereno.

E parkinglot y tenniscourt lo keda. Esey ta e acuerdo. Segun Vrolijk, riba e parkinglot hende por parkeer facil y e tenniscourt ta keda pa e muchanan por hac uzo di nan. Ya den pasado tabata uzanan pa basket.

Ta mustra cu e falta santo blanco, segun Erick Vrolijk, e contratista mester laga e tereno mas miho posibel. E ta uzando e mesun tereno of mesun tera di e luga mes. Kiermen ta purba di yena e tereno, lage mas egaal posibel pa e ta transitabel pa tur hende.

E ta sigui splica cu si bisa cu mester mas santo blanco riba dje, DOW por check si por handle esey.

Te asina leu, no tin ningun informacion cu lo bay tin un otro proyecto eyriba, Vrolijk a comenta. E tereno eynan ta un tereno publico. E tin un cadastraal nummer cu Gobierno por otorga na otro hende, pero awor aki e ta publico, el a bisa finalmente.

 

 

- Advertisement -

DUNA COMENTARIO

Please enter your comment!
Please enter your name here