Home Turismo Un promedio di $112 cada turista crusero ta laga atras na Aruba

Un promedio di $112 cada turista crusero ta laga atras na Aruba

124
0
SHARE
- Advertisement -

ORANJESTAD  (AAN): Como esnan cu ta maneha e turismo crusero den ATA, nan ta midi tambe e cantidad di placa cu ta keda atras. Si wak den averahe pa cada turista, e anja aki ta wak cu e ta 112 dollar mas of menos cu nan ta laga pa dia como averahe. Esey ta un incremento di 4% compara cu anja pasa. Si wak’e cantidad general door di e industria mes, e ta entre 85 y 90 miyon dollar e anja aki. Ta un cantidad significante y ta un manera cu sa e ora kico e performance di e industria ta.

Kico e turista kier of gusta

E industria di crucero tin bastante pasahero cu ta ripiti hopi. E ora bo kier percura cu e actividadnan tambe tin variacion, mas diversidad. Y esey ta algo cu nan ta puntra hopi. Eynan unda ta stimula tur e touroperator y proveedornan di actividad, pa nan keda mehora nan producto. Keda bin cu cosnan diferente. Esey sigur sigur ta yuda. Cada biaha cu bin, e turista kier mira algo diferente. Esey ta un trabao cu tin cu haci. Tambe kier wak autenticidad, vooral den e industria di crucero, unda cu nan ta bay diferente isla den Caribe, bo kier sigur pa Aruba resalta cu si identidad. Eynan ta unda e parti di cultura y otro maneranan cu nos por identifica nos mes y resalta, entre otro destinonan ta hunga un rol hopi importante. E autenticidad ta hunga un rol importante. E amibilidad cu nos ta wak den nos hendenan, esey ta e factor di mas importante. Si bo ta traha of no den turismo, esey ta hunga un rol importante. Cada un ta haci un diferencia den esey.

Exigencia

Tin diferente manera pa incentiva e lineanan di crucero. Na fin di dia e parti di mas importante ta e calidad di bo producto. Eynan Aruba ta resalta hopi, den e parti zuid di Caribe vooral, Aruba ta un di e rasonnan pakico turistanan ta scoge itinerarionan den zuid. Esey e estudionan tambe a bisa caminda cu 68% di e turistanan ta kies un itinerario pasobra Aruba ta riba dje. Tambe tin e incentivonan manera Aruba Ports Authority tin su incentivonan a base di volumen, cuanto pasahero nan ta trece den transcurso di un anja, cual ta yuda pa e parti financiero pa e feasability di e itinerarionan.

Temporada

Oficialmente e temporada abao ta di Mei pa September. Parti di e strategia di ATA, hunto cu APA, pa e crecemento cu ta wak den e ultimo anjanan, ta enfoca riba e temporada abao. Esey por a wak e anja aki unda cu ta wak e crecemento como 70% mas di e crecemento, a bin den e temporada abao. E temporada halto tin hopi presion caba. Tanto di e banda di crucero, pero e parti di stayover tambe. Eynan a purba di wanta esey mas miho posibel. E oportunidad mas miho pa sigui crece sigur ta den e temporada abao.

Tur barco pareu

Arends a comenta cu nan tin nan itinerario. Naturalmente ta haci bo best pa bo por schuif y move nan na bo bentaha. Si bo por manehe dia a dia, esey ta e miho manera. Pero e lineanan di crucero tin nan pensamento riba con nan itinerario ta y nan tambe ta exigi un trabao hopi en conhunto, hopi estrecho cu e lineanan di crucero y tambe entre Corsou y Boneiro, unda cu por purba schuif di un dia pa otro, en bes pa nan bin riba un dia druk, pa nan bin e siguiente dia of e dia prome.

Tipo di esfuersonan ta wordo haci sigur atrabes di e relacionnan cu tin cu e partnernan lineanan di crucero, pero tambe cu Corsou y Boneiro y conhuntamente cu APA.

Suficiente hende

Eynan sigur tin suficiente hende. Pero mester sigui mehora. Sigui duna diversidad den loke Aruba ta ofrece. Eynan ta unda cu e estimulo pa e touroperatornan, pa e otro proveedornan di actividad por sigui bin cu diferente tipo di tour, diferente tipo di experiencia, pa asina Aruba keda sinti nobo. Keda sinti fresh. Esey ta un trabao cu ta constant. Esey semper ta parti di nan actividadnan, manera dia 5 di October, tabata tin nan cruise Symposium, cual mensahe cu nan a hiba pa e industria, pa sigui reinventa bo mes, sigui mehora, semper en mente e experiencia di e turista di e pasahero di crusero.

 

- Advertisement -

DUNA COMENTARIO

Please enter your comment!
Please enter your name here