Home General Mervin Wyatt-Ras a presidi e ultimo reunion publico den Parlamento

Mervin Wyatt-Ras a presidi e ultimo reunion publico den Parlamento

85
0
SHARE
- Advertisement -

ORANJESTAD(AAN): Diahuebs tabata un dia hopi special, mirando cu tabata e ultimo reunion publico, prome cu e huramentacion di e constelacion nobo di parlamentarionan, cu a tuma lugar ayera. Presidente di Parlamento, Mervin Wyatt-Ras a duna inicio di e reunion, naturalmente riba tononan di nos glorioso himno di Aruba, Aruba Dushi Tera, pa despues duna su palabranan di introduccion, anunciando e tres puntonan cu tin riba agenda, prome cu a pasa palabra pa varios miembro di Parlamento, sea pa gradici esnan cu no lo ta den Parlamento mas y tambe dunando un palabra di bon bini na esnan cu lo bay sinta den e institucion, cua  a huramenta ayera mainta dilanti di gobernador.

Manera ya indica, e puntonan di agenda ta entre otro e geloofsbrieven, como tambe despedida di e parlamentarionan saliente y e ultimo, introduccion di e miembronan nobo. Tabata un reunion hopi importante segun e presidente di Parlamento. Mescos cu ta cuminsa cu un aña, despues di eleccion cu ta un aña cu ta nombra e miembronan di parlamento, ta tuma despedida y nombra e miembronan di parlamento, cual tabata un proceso importante. Y momento cu ta para keto na tur locual cu a pasa den parlamento, pero tambe, si tin algo di bisa e coleganan saliente, cu a traha cun’e, cu no lo tey bek den Parlamento, tambe a haya e oportunidad pa trece esaki padilanti. Asina tambe refleha riba cuater aña cu a traha hunto.

E punto dos y tres riba agenda, cu ta e despedida di e parlamentarionan y tambe clausura di e periodo 2013-2017, presidente di Parlamento a puntra, como punto di ordo, si a bay di acuerdo pa pone e dos puntonan aki hunto y cada uno ta tuma cinco minuut pa duna nan feedback. En todo caso 10 minuut pa e dos puntonan aki wordo treci padilanti door di e parlamentarionan conhuntamente.

Akinan tur miembro di parlamento a bay di acuerdo, pa asina por trata nan e ora. Cada uno a haya 10 minuut pa duna su discurso.

Despues di esey, a trata e parti di geloofsbrieven, cu ta un parti hopi importante di henter e proceso aki, unda cu tabata tin un comision pa bay wak tur e credencialnan di e miembronan di parlamento, pa asina tambe bay nombra e comision. Mervin Wyatt-Ras a nombra Marlon Sneek como presidente di e comision, Glembert Croes y Andin Bikker a forma parti den e comision cu ta  haci e investigacion di credencialnan.

 

- Advertisement -

DUNA COMENTARIO

Please enter your comment!
Please enter your name here