Home Enseñanza Universidad di Aruba cu proyecto di investigacion riba Economia Circular

Universidad di Aruba cu proyecto di investigacion riba Economia Circular

78
0
SHARE
- Advertisement -

ORANJESTAD     (AAN):   Universidad di Aruba (UA) conhuntamente cu  Hogeschool Windesheim (Zwolle) y Stenden (Assen) a inicia un proyecto di investigacion dirigi riba un economia circular. E investigacion aki lo tuma luga parcialmente na Hulanda y parcialmente na Aruba. Lo investiga e retonan financiero cu companianan mediano y chikito ta encontra na momento cu nan kier inverti den sostenibilidad.

Un economia circular ta un sistema economico cu tin como meta pa optimalisa e re-uzo di producto y recurso pa di e forma ey por minimalisa nan perdida di balor. Esaki ta rekeri di un empresario cu e por mira e procesonan den su compania di un forma diferente y innovativo pa asina e por organisa e maneho di su empresa di un forma circular.

Recientemente a tuma luga e kick-off di e Proyecto, na Blue City, un lugar na Rotterdam, Hulanda, cu ta un centro pa companianan circular. Na e evento aki a participa mas o menos un 20 representante di diferente organisacion y compania. Fuera di organisacionnan di Hulanda mes, por a conta tambe cu un representantecion di Aruba door di personanan di Universidad di Aruba y un delegacion di Arubahuis. Durante e kick-off a duna un splicacion di e investigacion cual a wordo ricibi cu entusiasmo.

Pa inspira e participantenan y duna un toke practico na e encuentro aki, señor Johannes Baas, un graduado di Hogeschool Windesheim y doño di e compania Dutchfiets (mira www.dutchfiets.nl), a duna un presentacion di un bais cu el a inventa y di e proceso di financiamento cu a bay pareu cu esaki. E dutchfiets aki ta un bais cu diseño special cu ta contribui responsablemente na comunidad, cu ta rekeri masha tiki mantencion y cu ta construi di material sintetico cu por wordo recicla.

E titulo di e proyecto di investigacion ta “De Zaak is Rond” y e proyecto aki ta cana di september 2017 te cu juli 2019. E esencia di e proyecto ta pa investiga con companianan cu tin un business case circular ta anda cu retonan financiero a consecuencia di e forma innovativo aki cu nan ta maneha nan compania. Un economia circular ta reta companianan pa nan acerca problematicanan financiero di un otro angulo. E investigacion aki ta contribui pa yega na solucionnan mas adecua y apropia.

Na maart di e aña aki e lider di e Proyecto, cu ta Hogeschool Windesheim, a entrega un peticion pa financiamento di e investigacion na e asina yama Nederlandse Organisatie voor Wetenschappelijk Onderzoek (NWO), cual a wordo aproba recientemente.  E investigacion aki ta conta cu participacion adicional di Hogeschool Stenden, Circle Economy, Sustainable Finance Lab, ING Bank, i-lab Greenpac y naturalmente un cantidad grandi di companianan innovativo. Di parti di Aruba e partnernan den e consortium ta Bureau Innovatie y Universidad di Aruba. Ademas lo participa algun compania local cu ta innovador y cu ta cana dilanti den e area di sostenibilidad y circularidad.

- Advertisement -

DUNA COMENTARIO

Please enter your comment!
Please enter your name here