Home Salud Scolnan por inscribi pa asina bira “un scol saludable”

Scolnan por inscribi pa asina bira “un scol saludable”

25
0
SHARE
- Advertisement -

ORANJESTAD(AAN): Manera DIARIO a trece caba den su edicion di Diaranzon, na Aruba awor tin e proyecto di “scol saludabel”. El a wordo introduci siman pasa, unda cu diferente maestro y directornan di scol a bin na e presentacion y haya un miho idea di kico e proyecto aki ta encera.

Tabata tin e fase piloto cu a bay hopi bon. Awor aki ta bay cuminsa cu e parti oficial tambe cu scolnan por inscribi pa bira un scol saludabel.

Cooperacion:

Leslie a comenta cu ta depende hopi di e scol, riba benta di articulonan saludabel. Hopi scol ta conciente cu esaki ta un topico importante y cada scol tin nan mesun reto tambe. Mester tene cuenta cu e presupuesto di e scol of unda e ta ubica.

Tin biaha bo ta haya hopi cooperacion di mayornan, pero tin biaha e ta un tiki mas dificil. Pesey e programa di Scol Saludabel a cuminsa pa sostene e scolnan tambe pa bira un scol mas saludabel. Bo lo haya bo mes cu diferente reto y naturalmente tin e profesionalnan cu por yuda e scol e ora.

E scol sigur na e momento aki no ta su so pa bay haci cambionan pa uno mas saludabel.

Un tiki mas conciente:

Hopi hende ta hopi mas conciente. Pero si esey resulta cu nan ta haci cambionan tambe, esey si Leslie no por a contesta. Pero por ripara cu hendenan ta mas conciente di kico ta saludabel, kico ta menos saludabel. Ta wak’e tambe cu hopi mas hende a cuminsa haic actividadnan fisico, cual ta positivo.

No mester lubida loke nos ta come tambe. Hopi biaha e ta hopi dificil pa laga e cosnan dushi cu nos ta custuma cun’e pa lage un banda pa come algo cu por ta nos no ta custuma, pero si ta mas saludabel pa nos curpa.

- Advertisement -

DUNA COMENTARIO

Please enter your comment!
Please enter your name here