Home Politica Rolando de la Cruz di POR ta opina cu e sistema di...

Rolando de la Cruz di POR ta opina cu e sistema di imigrante na Aruba mester di atencion necesario

34
0
SHARE
- Advertisement -

ORANJESTAD (AAN): Segun Rolando de la Cruz di Partido POR, tur pais rond mundo tin inmigrante, Aruba no ta un excepcion.

Rolando de la Cruz naci na Republica Dominicana a bin biba na Aruba unda cu el a scoge pa Aruba ta su cas. Esaki a nifica cu el a inmigra su mes na Aruba y adapta su mes na e cultura y norma y balornan di e pais, alavez respeta e idioma Papiamento cu actualmente Rolando ta domina e idioma igual cu cualkier arubiano na Aruba.

Rolando de la Cruz a demostra di ta un ehempel como inmigrante na Aruba y cu kier sigui aporta pa Aruba, y ta pesey mes a dicidi di subi riba lista di POR. Di e manera aki tambe  ta haci un suplica na comunidad di Aruba pa ta consciente na momento cu bay vota.

Rolando mes ta forma parti di e plataforma politico POR Pueblo Orguyoso y respeta y ta kere den na  vision mirando e tremendo programa cu a keda poni den otro pa dirigi  e pais aki pa e futuro generacion. Pa Rolando loke ta hopi importante ta  e sistema di inmigracion keda bon atendi unda cu e leynan mester worde ahusta. Den Partido POR no tin discriminacion di rasa, color, religion y nacion. Segun Rolando nos tur ta stranhero den e mundo lao nos yun no ta pa semper.

Tambe tin diferente departamento cu mester keda bon atendi entre otro DIMAS unda cu mester digitalisa e sistema y cu e sistema di cita mester cana su proseso mas lihe, sea cu e contesta ta positivo of negativo.

Sinembargo no ta solamente e departamento di DIMAS mester drecha e maneho, pero diferente departamento. Arubianonan y imigrantenan miho dicho nos tur mester respeta e leynan di Aruba. Punto di salida ta cu mester bin cu un maneho mas respetuoso y eficiente pa migrantenan cu derecho di estadia riba nos isla.

Tambe partido POR ta kere firmemente cu ciudadanonan den Reino Hulandes mester por tin e posibilidad pa haya un permiso pa varios aña

Sinembargo mester para keto un rato riba e situacionnan di adicto na Aruba. Hopi propaganda a keda haci cu e adictonan, pero e realidad kico a worde haci pa nan situacion te na e momentonan aki? Tampoco no tin mucho informacion disponibel y POR ta hiba e pensamento cu mas pronto cu ta posibel mester haci un estudio profundo riba e problematica aki.

Segun Rolando de la Cruz  di partido POR tin un vision cu ta rekeri un maneho integral di prevencion y represion. Lo intensifica e programa nacional di informacion y conscientisacion pa preveni drogadiccion specialmente na nos schoolnan.

Partido POR den gobierno lo enfoca den e barionan cu mester keda carga door di Departamento di Asuntonan Social (DAS) pa asina esnan cu mester di ayudo social haya esaki debidamente. Rolando de la Cruz candidato number 27 riba lista di POR tey pa sirbi bo y hunto nos ta bay pa e cambio paso hunto nos POR trece cambio pa un miho Aruba.

- Advertisement -

DUNA COMENTARIO

Please enter your comment!
Please enter your name here