Home Politica Gobierno mester duna atencion na tecnologia y inovacion

Gobierno mester duna atencion na tecnologia y inovacion

10
0
SHARE
- Advertisement -

Carlos Bermudez 14 di AVP:

ORANJESTAD(AAN)– “Ora cu bo tuma e decision di drenta e arena politica, bo mester tin un vishon y un mishon”. Na palabra Carlos Bermudez, candidato # 14 riba lista di Partido di Pueblo Arubano, AVP.

Cu un carera profeshonal

den e area di Tecnologia di Informacion y Comunicacion, no tabata dificil pa e por a tuma e decision pa postula su mes como un candidato politico ariba e lista di AVP, cu e aspiracion pa drenta parlamento, y cu e vision pa presidi un comision cu lo bay enfoca 100% ariba e areanan importante di Tecnologia y Inovacion.

Inspira door di un carta habri na politica Hulandes titula “Politieke visie dringend nodig om robotisering in goede banen te leiden”

(http://www.rtlnieuws.nl/sites/default/files/content/documents/2017/02/18/Open_brief_robotisering.pdf),

Carlos a formula su vision cu Aruba igualmente no por keda atras. Similar na e manera cu e grupo di 20 scientifico Hulandes a urgi gobierno Hulandes pa institui un Minister di Tecnologia y Inovacion, Carlos ta convenci cu gobierno di Aruba tambe mester duna atencion na Tecnologia y Inovacion, si nos kier mantene y/of mehora nos posicion competitivo den e region di Caribe y Latino America.

Evidentemente e vision aki ta rekeri un cambio di pensamento di nos parlamento cu lo mester bira e catalisador di e pensamento aki, como tambe eherce e influencia necesario pa e proximo gobierno duna e vision aki su debido atencion, mediante e incorporacion di iniciativanan di Tecnologia y Inovacion concreto den e programa di gobernacion 2017 – 2021. Ademas, Carlos ta convenci cu e proximo gobierno por establece e fundeshi di e vision aki, door di cuminsa den propio cas. Door di implementa automatisacion di procesonan critico den gobierno, Carlos ta convenci cu e aparato gubernamental lo por duna servicio eficiente y efectivo na nos pueblo, cu alavez lo eleva e nivel di satisfaccion di trabao di e empleado publico, cu na e momentonan aki ta esun cu ta biba tur dia cu e frustracion di e procesonan anticua bow di cual nan mester funciona.

Una vez cu e fundeshi di e vision aki ta implementa, e gobiernonan di turno por sigui e mesun proceso den educacion, salubridad y otro areanan caminda Carlos ta convenci cu Tecnologia y Innovacion lo haci un impacto positivo. Finalmente ta obvio cu pa Carlos por cumpli cu e vision y mision aki, e lo mester di e

votonan necesario pa por drenta parlamento, pues e ta pidi e pueblo votador pa vota conciente y deposita bo voto ariba candidato number 14 di e Partido di Pueblo Arubano, AVP, y dune e oportunidad pa hiba Aruba na e siguiente nivel.

- Advertisement -

DUNA COMENTARIO

Please enter your comment!
Please enter your name here