Home Cultura Den acto senciyo pero bunita a celebra e di 40 aniversario di...

Den acto senciyo pero bunita a celebra e di 40 aniversario di firma Tratadonan Torrijos-Carter

13
0
SHARE
- Advertisement -

Lic. Guillermo Villalobos Sole:

ORANJESTAD (AAN) – Diaranzon 6 di September awor, Fundacion Omar Torrijos Herrera, na Panama a celebra e ceremonia di conmemoracion di e di 40 Aniversario di e firmamento di e Tratadonan Torrijos-Carter.

Manera DIARIO a relata caba, esaki ta e hecho mas trascendental den e historia di Panama, pasobra Canal a pasa na man di su legitimo doño cu ta e pueblo Panameño, y esaki a base di dialogo di e Gobiernonan di Merca bao presidencia di sr. Jimmy Carter, y di Panama bao presidencia di General Omar Torrijos Herrera. Nan ta considera e hecho aki como e berdadero independencia di Panama.

A devela Estatua di General Torrijos:

Durante contacto cu Lic. Guillermo Villalobos Sole, ayera, brevemente el a duna di conoce pa nos redaccion, cu e ceremonia tabata senciyo pero masha bunita mes, den cual a otorga e Condecoracion Omar Torrijos na Lic.Ricardo de la Espriela Toral, ex-presidente di Panama (y personahe hopi importante den e grupo negociador di e tratadonan aki).

Y como acto principal a devela e Estatua di General Omar Torrijos Herrera, den e fundacion tambe yama e Cas di Omar.

Un acto hopi emotivo cu presencia tambe di diferente figura importante local y internacional, y tambe varios artista y poeta. Logicamente Lic. Martin Torrijos Espino, ex-presidente di Panama y Presidente di e Directiva di FOTH a emiti un discurso.

Palabranan di danki pa Lic. Villalobos Sole, pa a duna nos e informacion aki.

- Advertisement -

DUNA COMENTARIO

Please enter your comment!
Please enter your name here