Home Politica Partido POR, Plataforma e Forza Nobo a presenta seis candidate nobo na...

Partido POR, Plataforma e Forza Nobo a presenta seis candidate nobo na prensa

457
0
SHARE
- Advertisement -

ORANJESTAD (AAN) – Seis candidato nobo a worde presenta diamars, den conferencia di prensa semanal di Partido POR, Plataforma e Forza Nobo.

Lider di e partido Otmar Oduber a hiba palabra y a introduci e seis candidatonan aki. Despues cada un a expresa y conta pakico POR y kico nan por.

“ Un cas bo no por construi e riba un fundeshi debil. Puntra bo mes con fuerte Aruba su fundeshi ta awe. Riba e tema aki, awe un biaha mas, den un siman sumamente importante, caminda ta bay entrega Diabierna venidero e lista di personanan cu a uni na e forza nobo POR, pa por construi un futuro nobo, y un siman cu ta habri awe atrobe cu un anuncio di un gran cantidad di colega nobo y otronan pa wordo anuncia e dianan nos dilanti” Oduber a expresa.

E seis candidatonan cu el a menciona, lo bay ta presente riba e lista pa dia 22 di September por bay urnanan electoral cu e lista aki.

Otmar Oduber ta sinti orguyoso pasobra for di momento cu e partido POR a wordo funda, y hunto cu Andin Bikker a combersa tocante e forza nobo cu nan kier a trece cu un biento fresco y trece un cambio, no solamente den politica y gobernacion, pero tambe den mentalidad con por eherce y haci politica na Aruba, segun e lider di e partido.

El a agrega cu, a base di esaki, tin cuater pilar riba cual POR a wordo funda.

  1. E aspecto di pragmatismo unda cu nan ta atende cu e problema, dolor y preocupacionnan di cada un grupo di nos comunidad segun su exigencianan.
  2. Lo atende esaki a base di metodonan moderno atravez di e situacion moderno den cual nos ta biba den dje, y naturalmente.
  3. Un integridad halto, poniendo e peso bek den Parlamento di Aruba, pa loke ta control y tambe e transparencia cu mester exigi di gobernantenan, pa por ilustra e politica nobo aki, cu ta wordo propaganda como e forza nobo POR.

Y un di cuater pilar cu ta e comunitarismo, unda hunto cu e comunidad, atravez di e plan di accion cu a wordo poni disponible y cu ta sali for di e curazon di tur e institutonan na Aruba, di 72 instancia cu POR a reuni cu nan y a duna dos luna largo na comunidad pa nan duna nan feed back, sugerencia y comentarionan riba esaki.

Dialuna pasa a aproba den Conseho di Partido e programa cu ta bira su vision cu for di otro siman ta conoci pa henter comunidad.

E seis candidatonan cu Otmar a introduci ta:

Dr. Mercedes Rivera: mas di 20 aña di experiencia como medico internista.

Sr. Gregory Milliard, atleta profesional internacional y campeon (boxeo), hopi dedica na educacion di nos hobennan, cu hopi valor, etica y moral.

Sr. Rolando de la Cruz, hende di tur hende y fundeshi di comunitarismo.

Sr. Raymundo Dijkhof: Arkeologo profesional, un persona cu Otmar a traha cune y a siña respeta pa su valornan den comunidad y conocemento.

Sr. Rien Hurkmans (ken no tabata presente pa motibo di salud): un trahador social cu mas di diez aña di experiencia den DAS, y ademas ta cantante cu ta trece alegria na e hubentud.

Sr. Abdiel Illidge: un amigo personal di Otmar, cual creencia y bida Cristian ta un ehemplo na Aruba. Un hoben tata cu tin un yiu autista y cu tin un cariño y atencion special pa e grupo aki.

 

 

 

 

- Advertisement -

DUNA COMENTARIO

Please enter your comment!
Please enter your name here