Home General Lo tin riba di 80 Polis riba pia pa entrega di lista

Lo tin riba di 80 Polis riba pia pa entrega di lista

442
0
SHARE
- Advertisement -

ORANJESTAD (AAN): Riba diabierna 4 di augustus 2017, partidonan politico lo entrega lista na Conseho Supremo Electoral en preparacion pa eleccion dia 22 di september 2017.

— Esaki ta e ruta di MEP.

Pa Buena marcha acuerdonan a ser yega cu e diferente partidonan y otro stakeholders.

A base di esakinan un programa a ser traha pa cada partido durante e proceso aki. Mas cu 80 polis lo ta riba pia (sin conta esnan standby) pa zorg cu tur cos cana na ordo y garantiza e orden publico.  Aki DIARIO ta presenta e rutanan.

Ruta di partido MEP: via Adriaan Lacle Blvd/ Wilhelminastraat. E ruta pa bay back lo ta mescos, pues Oranjestraat/Wilhelminastraat/Adriaan Lacle Blvd. Nan lo no worde guia pa polis. Horario lo ta entre : 12:30 – 1:30 pm.

— Esaki ta e ruta di POR.

Ruta di partido POR. Lo reuni na Juliana plein y djei bay abou den verboden via Julianastraat, lora bay nort den Maria Christinastraat bay p’ariba te cruzada Irenestraat, lora na man robez bay nort den Irenestraat te na e cruzada di Wilhelminastraat. E ta bira man robes bay p’abou den Wilhelminastraat te stadhuis.. ruta pa bay back lo ta igual esta via Wilhelminastraat, Irenestraat, Maria Christinastraat, Julianastraat te na Juliana Plein. Nan tampoco lo tin guia di polis.  E horario lo ta entre : 1:35-2:00 pm.

Ruta di partido AVP: Lo reuni na veld di Cricket, djei sigui den Vondellaan, Wilhelminastraat/Oranjestraat.  E ruta pa bay back lo ta igual, pues: Oranjestraat/Wilhelminastraat/ Vondellaan. Nan tampoco lo no haya begeleiding di KPA.   Horario lo ta entre 3:00-3:30 pm.

— Esaki ta e ruta di AVP.

DIARIO a compronde cu lo tin diferente post di polis riba e rutanan:

Post 1: Entrada principal na cruzada Wilhelminastraat/Adriaan Lacle blvd.

Nan tarea klo ta pa tira bista riba e parada nan na pia. Lo no permiti ningun vehiculo den e area di espera sino solamente riba ordo di e “locatiecommandant” na e lugar. Nan lo regla trafico tambe na elugar y na e sation di gasoline te ora cu e parada pasa. (Como 8 polis)

Post 2: Colombusstraat/Wilhelminastraat Ruta di Partido MAS, y aki lo tin 3 polis.  E horario ta di 8:40-9:00 am segun e situacion guia pa e unidad di mobilidad.

— Post 1 y Post 2 di Polis.

Post 3: lo ta na e zijweg di Zuidstraat na haltura di unda e oficina bieu di Dentista Dr Ho-Kang-You tabata, y aki cu 2 Polis,

Post4: lo ta na Zoutmanstraat/Oranjestraat/Fort Zoutman/zijweg dilanti di Chaos Cafe/ oficina di Gobernador (cu 5 polis). Nan lo controla e area y dirigi trafico.

Cuerpo Policial kier pidi tur hende pa por fabor tene cuenta cu e situacion y e reglanan na elugar. Tambe nos kier pidi tur hende pa coopera cu tur e unidadnan di Polis pa asina por garantiza e seguridad publico. Mas cu claro tambe nos semper ta keda emfatisa e respet pa opinion, propiedad y derecho di tur hende y of grupo.

— Post 3 y Post 4 di Polis.
- Advertisement -

DUNA COMENTARIO

Please enter your comment!
Please enter your name here