Home General Ladronnan a tira polis den pia na Bruinewijk

Ladronnan a tira polis den pia na Bruinewijk

1161
0
SHARE
- Advertisement -

ORANJESTAD    (AAN):   Diaranzon anochi na Savaneta un Polis a wordo tira den pia. E agente na civil a frustra un caso di ladronicia dilanti su cas. Dos homber color scur y bisti na preto a los tiro riba e Polis. E agente a haya tiro den pia robez.

Polisnan cu a yega a topa cu e colega herida. Ambulance a yega cu urgencia y a bay cu e agente Hospital.  E buskeda a cuminsa mesora y diferente unidad a presenta na e sitio.   E victima a splica cu ta dos homber color scur y cu paña preto a los tiro riba dje. Nan a huy na pia. Polis tabata tin bista caba pa diferente kiebro ultimamente den e area di Savaneta. Polisnan a base di informacion a bay na e prome adres na Savaneta. Eynan a haci e detencion di e prome sospechoso Edward H.   

E buskeda a sigui mas caminda den e area. Tin cierto cas bandona banda di lama cu tambe e agentenan a drenta pasobra eynan sa señala e sospechosonan. E sospechoso Edward H a wordo atendi pa e agentenan cu a bay na e cas den Savaneta unda e lo ta biba. Cuerpo Tecnico a wordo avisa pasobra mester haci cierto controlnan mesora na curpa di e sospechoso. Riba su curpa por haya cierto evidencia cu ta importante pa e investigacion.

Na costa unda tabata tin e fabrica di cria pisca y cabaron tambe e agentenan a drenta. K-9 Unit a wordo pidi pa presenta na e sitio mirando cu tin manera un mondi y e cacho di Polis tabata importante pa yuda den e buskeda.

E otro sospechoso Fam L. ta esun cu falta pa asina wordo deteni. Riba e prome sospechoso Edward H no a haye cu arma.

- Advertisement -

DUNA COMENTARIO

Please enter your comment!
Please enter your name here