Home General E rijbewijsnan nobo falta un Ministeriele Regeling pa e ta valido

E rijbewijsnan nobo falta un Ministeriele Regeling pa e ta valido

137
0
SHARE
- Advertisement -

Segun Sharin Luidens di Conseho Electoral

ORANJESTAD (AAN) – Segun Presidente di Conseho Electoral, Sra. Sharin Luidens a splica ampliamente hopi biaha ariba e problemanan cu tin cu e rijbewijs nobo. El a bisa cu tin dos  problema. 1. E rijbewijs falta base den ley pa e ta valido y e falta un Ministeriele Regeling cu ta cuadra cu e rijbewijs nobo.

Conseho Electoral ora cu e ministeriele regeling bin na vigor y wordo introduci prome cu eleccion e ta haya validez legal. E di dos problema ta, cu cierto rijbewijs nan cu ta 1500 mas o menos, di e 70.740 votador, 1.500 rijbewijs tin un fout ariba dje. E por ta e nomber, falta un letter, etc.

Esey ta trece cun’e cu ora bo bay un urna y bo duna e voorzitter bo carchi di voto y bo rijbewijs y si e nomber no ta cuadra of un of otro informacion no ta cuadra cu loke tin riba e oproepingskaart y tambe kico tin na e kiezersregister, logicamente e voorzitter no por acepta y legitima pa identifica cu bo documento aki, pasobra cu e no ta cuadra. Pesey Conseho Electoral ta pidi pa por favor esnan cu ta bay vota cu nan rijbewijs pa check nan rijbewijs si e datonan aki ta corecto.

Den e dianan aki Censo a haya varios fout riba rijbewijsnan. E ta algo logico ya cu ningun caminda nan lo no acepta pa identifica bo mes. Si e nomber no ta bon ariba e documento, esey ta trece problema cun’e.

Loke Censo ta haciendo awo, ta sacando datonan di cuanto votado tin en total tin un id y un paspoort valido, pa asina nan bay evalua ta cuanto hende falta esaki. Actualmente ta hopi hende mes ta biniendo pa renoba nan ID of paspoort, pa evalua si ta bay habri mas biaha ariba diasabra. Hopi hende no a haci uzo di e servicio durante e diasabranan cu nan tabata habri.

Sra. Luidens ta bisa cu hopi hende no ta compronde over di documentonan necesario, unda tur parti di Reino, ora bo ta traha un documento di identificacion, bo mester tin un link cu e bevolkingsregister, pa bo no mester tik e na man pasobra esey ta e caso di e rijbewijs, pasobra tin chens grandi di haci fout humano. Si bo haci e link ey di biaha, bo no tin chens di haci fout y esey ta e problema aworaki cu e rijbewijs.

 

- Advertisement -

DUNA COMENTARIO

Please enter your comment!
Please enter your name here