Home Hudicial Fiscal kier scucha mucha victima di inmoralidad

Fiscal kier scucha mucha victima di inmoralidad

204
0
SHARE
- Advertisement -

ORANJESTAD   (AAN)  – E homber G. acusa di a haci actonan sexual contra un mucha bou di 16 aña ta keda sera den KIA pendiente di e caso penal cu Hues a pospone pa October 2017.

ABUSA DI MUCHA

E acusacion cu Fiscal a presenta contra e homber G. ta cu entre 5 y 21 September 2016 el a haci actonan sexual cu un mucha bou di 16 aña.

FISCAL KIER SCUCHA VICTIMA

Fiscal a bisa Hues cu e caso ta pro forma pasobra e investigacion no ta cla. Fiscal a splica cu e kier scucha e victima. Fiscal kier haya sa di e victima con e apartamento unda esaki a sosode, ta mustra paden.

Hues a bay di acuerdo y a pospone e caso pa dia 27 October 2017.

Casonan di inmoralidad of abuso sexual ta hopi dificil. Hopi biaha Fiscal cu tin cu presenta e caso den Corte, ta hay’e confronta cu e declaracion di e victima contra esun di e sospechoso. A base di ley, un declaracion so no ta suficiente prueba.

Esey ta haci cu Fiscal mester busca pruebanan di sosten. Den Corte, durante tratamento di casonan asina, Fiscal a yega di mustra cu Corte Superior na Hulanda a mustra den sentencia, cu si tin pruebanan di sosten, esaki ta bira suficiente pa usa contra e sospechoso.

E prueba di sosten por ta informacionnan cu otro personanan ta duna cu ta mustra cu tin indicacion cu e delito a sosode. Por ehempel por tin persona cu ta bisa cu e sa cu e mucha tabata serca e sospechoso of cu e sospechoso a busca e mucha. Tambe por tin hende cu lo a mira e sospechoso cu e mucha ariba fecha cu e victima ta bisa. Den caso penal, e informacionnan aki Fiscal por usa como prueba.

Por ta tambe cu Fiscal kier scucha e mucha pa e haya mas claridad den e caso. A sosode recientemente cu Hues a declara un sospechoso di inmoralidad liber pasobra Hues ta haya cu e declaracionnan no ta forma suficiente prueba.

Tambe a yega di sosode cu abogado di e sospechoso a señala cu ta un forma di trampa a haci contra e sospechoso caminda a instrui e mucha kico pa bisa contra e sospechoso. Tur esakinan ta situacionnan cu Fiscal posiblemente ta teniendo na cuenta pa e tin un caso sigur. Dia 27 di October 2017 lo haya sa mas di e caso aki.

- Advertisement -

DUNA COMENTARIO

Please enter your comment!
Please enter your name here