Home Politica Marlon Sneek ta haya cu Dangui Oduber por cuminsa confisca bek e...

Marlon Sneek ta haya cu Dangui Oduber por cuminsa confisca bek e armanan cu Gobierno di MEP a duna permiso

24
0
SHARE
- Advertisement -

ORANJESTAD(AAN): Papia pa papia, hunga politica djis pa hunga politica, pero e seriedad cu mester tin na momento cu pueblo ta rekeri esaki, politiconan di oposicion simplemente no ta serio.

Lider di fraccion di AVP den Parlamento, sr Marlon Sneek ta mustra cu den e dianan aki por scucha diferente declaracion di hendenan cu simplemente no tin algo miho pa duna pueblo. Nan no tin e vision necesario cu pais Aruba ta rekeri awendia pa sigui desaroya su mes den e rumbo positivo.

“Ora cu scucha por ehempel un politico manera Dangui Oduber bin dilanti y papia cu gobierno di MEP ta bay kita tur arma for di den pueblo, ta momento pa pueblo refleha mesora y reconoce e tipo di sarcasmo aki cu ta biba den mente di e politiconan opositor aki.

Dangui ta yiu di ex lider di MEP, Orlando Oduber, kende a goberna pais Aruba for di 2001 te cu 2009 te ora cu pueblo a manda e gobierno aki cas pa e forma con nan a mal goberna e pais.

Un gobierno geel cu no a pensa riba pueblo, cu no a percura pa siguridad di nos pueblo, cu a laga un desaster economico, social y diferente otro tereno mas sin pensa un dia kico tabata bon pa pueblo.

Ta mesun tata di Dangui aki su gobierno, a otorga cantidad di permiso pa arma di candela na amigo y hasta famia, entre nan e propio ruman di e parlamentario aki a haya uno.

Tur hende por corda con un propio ayudante di e Minister di Husticia di MEP di e tempo ey, esta Rudy Croes, a haya su mes envolvi den un incidente ora c’un bala di su arma di candela a perfora porta di su auto, pa despues haci como si fuera un hende a atenta contra su bida.

A sigui hopi luna di vigilancia y proteccion special pa e Minister, cu a costa pueblo mas c’un miyon Florin pa despues sali na cla cu nunca tabatin un atentado.

Loke Dangui mester a cuminsa haci for di masha tempo ta di sinta cu su tata Nel y repasa documentonan cu e tin y mira kendenan tur a haya permiso bou di su gobierno, y cuminsa piki e armanan aki of mira kico a pasa cu e armanan di candela aki.

Eynan Dangui tin cu cuminsa na luga di bin hunga un tipo di ‘cowboy’ al estilo di John Wayne, pa hunga interesante sin cu e tin un plan concreto pa splica pueblo ta kico su plan real mes ta.

Aki un biaha mas por ripara cu politiconan di oposicion ta den un campaña di ‘wild wild west’ keriendo cu e tipo di vision aki sin contenido, lo hala atencion di pueblo pa nan payasadanan.

Pais Aruba ta den un desaroyo increibel desde cu partido AVP a tuma mando na 2009 caminda den tur bario por mira un of otro progreso y desaroyo cu a tuma luga y ta den e rumbo aki tin cu sigui y si politiconan di oposicion tin un vision cu ta miho cu loke pueblo a conoce durante di e ultimo shete aña y mei aki, anto nan tin cu presenta esaki cu sinceridad y no cu payasadanan manera e tipo di gritonan cu nan kier bende pueblo,” e lider di fraccion di AVP a trece dilanti.

 

 

- Advertisement -

DUNA COMENTARIO

Please enter your comment!
Please enter your name here