Home Cultura Reconocimento na Amigonan di Santa Rosa

Reconocimento na Amigonan di Santa Rosa

42
0
SHARE
- Advertisement -

ORANJESAD(AAN)–Durante e mercado di Santa Rosa a reconoce esnan cu pa varios aña caba a contrubui cu e mercado

E parti special cu un dedicacion na “Amigonan di Santa Rosa” tabata den presencia di  directora di Santa Rosa sra. Nathalie Maduro y minister di Infrastructura minister sr. Benny Zievinger cu tabata presente representando prome minister sr. Mike Eman debi na un kebrante di salud. 

Nan a hasi entrega di e reconocimentonan na e personanan cu a contribui grandemente cu e mercado pa varios aña. Sigur tabata na su lugar pa  por a reconoce y duna honor na un señora cu no tey mas entre nos y cu sigur nos lo keda cu grato recuerdo.Ta papiando aki di sra. Bertha Croes-Maduro den feliz memoria cu semper tabata bon conoci pa su remedinan di tera. Awor e yiu homber a tuma esaki na su encargo pa por sigui traha e remedinan di tera aki. E yiu homber sr. Lucio Croes cu tabata presente a ricibi e reconocimento aki na nomber di su kerida mama. Sigur tabata un momento hopi special nos solamente di nos parti pero tambe pa e yiu homber. Sra. Bertha Croes Maduro semper for di comienso di nos mercado tabata presente ofreciendo su remedinan di tera. Semper sra. Bertha Croes-Maduro tabata hasi esaki cu pasion pa asina su clientenan ta bon informa y sigur semper ta brinda consehonan cua ta e remedinan di tera cu mester wordo tuma y na ki moment esaki ta beneficia bo salud.

Na e momento ey tambe a reconoce otro “Amigonan Di Santa Rosa” cu tabata den persona di sra. Rosa Alberto bon conoci pa su stropinan di Ginger. Sra. Naőmi Landgraf pa su obranan di man di casnan Tipico Arubano. Sra. Maria De Freitas kende semper tin su matanan bon y bunita. Sr. Mario Beata tambe ta ofrece matanan ornamental. Sra. Iris Offerman bon conoci pa su cuminda crioyo cu ta Cabez cu Higra y otro platonan crioyo. Sra Margarita Dirksz pa su Sevichi di Pisca y BBQ. Sra Marelva Thode pa su Jhonny Cake cu Bacalao. Sra Bellanidia y sr. Alipio Jimenez kendenan semper ta den e mercado cu nan Cocada, Delce de Leche, Awa di Coco y diferente cosnan dushi. Sr. Betto Farro kende pa su Awa di Coco y Raspao. Sr. Samuel Lopez kende ta traha liquernan di Casho. Sra Shirley Illidge kende tambe ta produci diferente sabor di Biña local. Sra Angel y sr. Howell Scholten conoci pa pasabocanan especialmente pa mucha.

Un palabra di gratitud y Felicitacion na tur nos “Amigonan di Santa Rosa” cu a wordo reconoci y un danki di curason pa semper a contrubuicion grandi na e Mercado Santa Rosa.

- Advertisement -

DUNA COMENTARIO

Please enter your comment!
Please enter your name here