Home General Gobierno y sector priva hunto mester trece cambio den San Nicolas

Gobierno y sector priva hunto mester trece cambio den San Nicolas

57
0
SHARE
- Advertisement -

ORANJESTAD (AAN) – Andres Hernandez, Presidente di Asociacion di Comerciantenan di San Nicolas, a declara den entrevista cu Matutino DIARIO cu, lamentablemente, mayoria di edificionan na San Nicolas tin doño y nan ta riba tereno eigendom.

El a agrega cu mayoria di e propietarionan aki ta den un edad grandi y nan ta den retiro caba, y nan ta mira cu cosnan ta mehorando na San Nicolas y nan ta bibando esaki na e haltura aki di nan bida.

Sienembargo, nan ta wordo acerca pa famianan mas jong, e generacion nobo cu ta wardando riba reaccion di gobierno pa nan por aporta yen di idea pa negoshinan positivo. “Mi ta wak hopi bon loke nan trece pa dilanti y tin biaha ta sorprende mi di wak cu tin personanan cu kier bira negociante na San Nicolas, y cu ta bin di e generacion di esnan cu ta doño di e edificionan na San Nicolas”, sr. Hernandez a subraya.

El a señala cu si nan ta mira nan zona fiscal un poco mas distante y mas enfasis di gobierno pa promove San Nicolas, lo haya un generacion nobo cu ta bay trece cambionan fisico den loke ta concerni structuranan cu ta den e distrito.

El a subraya si, cu esaki mester ta un responsabilidad di sector publico y priva, pues no necesariamente gobierno mester asumi tur cos, pero gobierno mester ta habri, sincero y t’ey pa cualkier plan positivo cu wordo desaroya pa sector priva.

- Advertisement -

DUNA COMENTARIO

Please enter your comment!
Please enter your name here