Home Social Cruz Corra lo tin nan fiesta grandi cu tema “Bollywood”

Cruz Corra lo tin nan fiesta grandi cu tema “Bollywood”

31
0
SHARE
- Advertisement -

 

ORANJESTAD (AAN): Durante un conferencia di prensa convoca na Aruba Surfside Marina, e instancia local di Cruz Cora Aruba a duna informacion encuanto nan evento anual pa recauda fondo.

Manera ta conoci, Cruz Cora ta depende di donacion y sponsorship pa yuda comunidad di Aruba y ta pesey ta importante pa sigui recauda fondo. Pesey e evento cu lo bay tin dia 10 di Juni lo ta di suma importancia.

Indra Anthony-Pereira ta operations y marketing manager na Cruz Cora Aruba, y a splica cu nan evento ta depende hopi di e companianan cu ta patrosina biña, y Surfside Marina a bira e cas di e evento tur aña y ta hopi gradicido pa loke nan ta haci pa Cruz Cora.
E aña aki e fundraiser ta mas special cu nunca, ya cu ta celebrando 60 aña y pesey tambe a invita un gran artista pa join dia 10 di Juni.  Robert Jeandor lo bay tey presente cu su Solo Banda Show y lo tey hunto cu Megateca Metropolis.

Cruz Cora a escoge e tema di e aña aki, esta “Red Cross goes Bollywood”.  Ta bay tin un explosion di color riba e anochi aki. E winesupplier pa e aña aki ta Romar Trading, Manrique Capriles, Playa Liquor, Arion Wine Trading, Hodgson Trading.
Anthony-Pereira ta invita tur cu kier aporta na Cruz Cora Aruba, pa cumpra ticket di e evento. Esaki ta solamente 300 Florin pa pareha y ta obtenibel na Cruz Cora su oficina den Pedro Gallegostraat na Dakota y cerca cada miembro di e directiva. Ta haci e apelacion aki mirando cu esaki ta yuda pa asina Cruz Cora por sigui cu su trabao.
Indra Anthony-Perreira a sigui splica cu nan tin un team caminda cu a brainstorm varios luna pasa y pa un evento di 60 aniversario kier a haci algo hopi colorido, cu ta duna un calor di Cruz Cora.

E colornan ta Cora, Fuschia, Oro, Bronze y Oranje.  Pa e fiestanan aki, nunca Cruz Cora a pone un dress code, pero ta haya hopi great cu durante e ultimo añanan, Cruz Cora ta haya sorpresa na porta ora di ricibi su invitadonan, tur hende cu a presencia e fiesta ta haci nan best.

E fiesta aki di 10 di Juni, lo ta riba un diasabra, for di 8’or di anochi pa 1’or di marduga.  Ticketnan ta obtenibel na Cruz Cora.

- Advertisement -

DUNA COMENTARIO

Please enter your comment!
Please enter your name here