Home Suceso Atracadornan a invadi cas na Palm Beach y bay cu $5.000

Atracadornan a invadi cas na Palm Beach y bay cu $5.000

1605
0
SHARE
— Potret saca cu telelens mustrando Polis papiando cu victimanan den cas.
- Advertisement -

ORANJESTAD (AAN): Un otro caso di Atraco a keda registra den fin di siman aki.  Tabata Diasabra nochi pa 10:45 pm cu Central di Polis a haya sa di e asunto.

E atraco mes a socede como 75 minuut mas prome.  Esta pa mas o menos 9:30 pm e atraco a tuma lugar na un cas na Palm Beach.

— Polisnan pafo di e cas.

Esey a pone cu Polis di Noord a presenta cu urgencia na e cas y a bin compronde cu dos hende muhe kedando na e cas a wordo atraca pa 3 hende homber.

E victimanan a splica cu dos di e atracadornan tabata tin cara tapa y e otro no.  Tur tres cu arma di candela.

E atracadornan a drenta e cas y na forma brutal a trata e dos damanan.  E damanan aki ta stranhero, y nan a wordo ordena pa para keto.  Asina a mara nan man y pia cu Ducttape, y a hincanan den un camber di e cas.

For di analisis preliminar, e tres atracadornan a bai cu $5.000, varios cellular, paña- y kedsnan nobo.

Polis a splica DIARIO, cu e atracadornan a huy den un auto chikito y parce scur.

Diferente unidad di polis a cuminza di biaha cu un buskeda pa wak si por topa cu e malechornan aki.

Atraco team a presenta pa cuminza cu investigacion.  Polis tecnico tambe a presenta y departamento di Slachtofferhulp pa asina guia e damanan cu a pasa den un susto y a keda den shock.

Cualkier persona cu por a mira algo ta ser pidi pa yama tiplijn di polis na  111-41.

- Advertisement -

DUNA COMENTARIO

Please enter your comment!
Please enter your name here