Home Social Asina Hilton Aruba a celebra Siman di Tera

Asina Hilton Aruba a celebra Siman di Tera

48
0
SHARE
- Advertisement -

ORANJESTAD (AAN): Hilton Aruba Caribbean Resort & Casino a hinca den otro un kalender completo di actividad den celebracion di Siman di Tera, cual a tuma luga di 20 di Maart pa 26 di Maart, 2017. E actividadnan tabata disenja pa informa, anima y entretene e huespetnan, miembronan di ekipo y e comunidad Arubiano local.

E celebracionnan a cuminsa cu un Recepcion di Gerencia Fiesta di Cocktail cu un terma di mama tera, sirbiendo un delicioso Green Aloe Punch.

Despues di esaki, miembronan di ekipo y huespetnan di e resort a uni cu e Universidad di Aruba pa un Limpiesa di Playa, bishitando e playanan rond di California Lighthouse pa piki sushi y articulonan cu lama a deposita riba tera. E grupo cu a colecta e cantidad mas grandi di sushi a wordo premia cu un bunita premio.

Combinando diberticion y educacion, huespetnan y e miembronan di ekipo tambe a wordo invita pa participa den un caminata den Parke Nacional Arikok. Despues di e caminata den parke unda cu nan a sinja mas tocante e flora y fauna di e rangernan di e parke, e ekiponan a disfruta di algun pasapalo saludable y coi bebe refrescante.

E resort su restaurant principal, Sunset Grille restaurant, tambe tabata parti di e celebracion, pagando e luznan pa 8:30pm di anochi pa ofrece un cena cu bela riba su terras, den aire liber. E cena special a ofrece un menu di tres plato, celebrando ingredientenan organico natural. Pa e prome plato, bishitantenan a disfruta di un salada di lechuga mescla, sun dried tomato, artichoke cushina riba grill, roasted pepper y un vinaigrette di lamunchi. Despues a sigui e di dos plato, cu un salmou organico cushina cu lamunchi y menta, sirbi cu selderij, compote, webo y croutons. E plato final a combina pechuga di galinja organico cu fritter di lamunchi y berdura organico horna.

Mira Solo bar tambe a paga e luznan cuminsando pa 8:30pm na honor di Ora di Tera, cu bela chikito y musica acoustico en bibo, cual a crea un ambiente romantico.

Un di e momentonan mas dibertido di e siman ta ora e resort a ricibi un bishita di Centro Man na Obra, e instancia caritativo local cu ta traha cu clientenan cu necesidadnan special. E representantenan di Centro Man na Obra a presenta un tayer riba e arte di traha bela, yudando e miembronan di ekipo di Hilton pa crea bunita bela.

Fiel na su Declaracion Ehecutivo, Hilton Aruba Caribbean Resort & Casino ta guia pa e compania su vision pa yena nos mundo cu e luz y calor di hospitalidad, den negoshi y ora cu ta trata di su recurso di mas precioso, su hendenan.

Portretnan ta mustra algun di e momentonan dibertido cu a wordo disfruta pa tanto e asociadonan como e huespetnan di Hilton Aruba Caribbean Resort & Casino, durante e celebracion anual di Siman di Tera.

- Advertisement -

DUNA COMENTARIO

Please enter your comment!
Please enter your name here