Home Hudicial Mañan sentencia ta cay pa homber sospecha di a atraca muhernan di...

Mañan sentencia ta cay pa homber sospecha di a atraca muhernan di bida

1
0
SHARE
- Advertisement -

Fiscal a exigi 7 aña di prison p’e

ORANJESTAD (AAN): Mayan mainta e homber A.v P. mester presenta dilanti Hues pa scucha su sentencia. Luna pasa tratamento di e caso penal a tuma lugar caminda Fiscal ta haya A.v P culpable di a haci dos atraco arma den un bar na San Nicolas riba dos muher di bida. Mirando cu Fiscal ta considera A.v P. un residivista, el a exigi 7 aña di prison. A.v P. ta para riba cu e no a haci nada y cu ta Polis no a actua corecto.

   SOSPECHOSO TA NENGA:

   Hues a puntra A.v P. cu na Recherche el a bisa cu e no sa di nada. A.v P. a bisa Hues cu e caso aki ta un shock grandi p’e.

   Hues a mustra cu A.v P. tin un carchi di castigo cu un cantidad di casonan di ladronicia. E ultimo sentencia tabata na 2014.

   Evaluacion di un experto kende a bisa cu A.v P. tin un caracter egoista y ta haya cu e sospechoso ta responsabel pa su actonan. Psycologo tambe ta indica cu e sospechoso ta egoista y ta responsabel pa loke el a haci. Hues a puntra A.v P., si e ta reconoce su mes den loke nan a splica. Segun A.v P. e no ta asina manera nan ta bisa.

   EXIGENCIA DI FISCAL:

   Fiscal a bisa cu e no ta haya legalmente proba cu A.v P. a haci e atraco arma riba 18 Januari 2016 y tampoco riba 20 Januari 2016, manera e acusacion ta bisa. Esaki pasobra Fiscal ta haya cu ta solamente un testigo tin esta e victima y a base di ley mester tin por lo menos dos testigo. Pesey Fiscal a pidi Hues pa declara A.v P. liber di e dos acusacionnan aki.

   Fiscal a sigui bisa cu e caso di 25 Januari 2016 ta diferente. Aki ta dos muher di bida a bira victima y nan dos a haci denuncia. Tur dos a duna descripcion y a reconoce A.v P. via potret. Ademas, riba e imagennan di seguridad, ta mira A.v P. na e bar y dos agente di Polis ta reconoce A.v P. como e sospechoso. Na opinion di Fiscal, e sospechoso mes a bisa cu e no a haci nada y no ta bay cerca e muhernan di bida y cu nunca el a haci atraco arma. Fiscal a mustra cu for di e carchi di castigo por mira cu el a yega di haci asaltonan arma. Fiscal ta haya cu dia 25 Januari 2016, A.v P. a haci dos atraco arma na e mesun bar. Ta un caso hopi serio cu por laga personanan den trauma. Fiscal ta haya cu esaki ta causa inseguridad pa comunidad. El a bisa Hues cu e ta tene cuenta cu e carchi di castigo y ta considera A.v P. un residivista. Fiscal a exigi 7 aña di prison, kitando e tempo cu A.v P. ta sera den KIA.

   A.v P. a bisa Hues cu e caso di 2008 el a worde sera pa un cos cu e no a haci. El a menciona nomber di e agente di Polis y segun A.v P. ta e mesun agente ta reconoce awor den e casonan di atraco arma. E ta haya cu Polis no a actua corecto.

Hues a sera tratamento di e caso y a bisa cu e ta bay studia e caso y pa dia 11 November 2016 lo tin sentencia. DIARIO lo informa lectornan kico decision di Hues ta den e caso aki.

- Advertisement -

DUNA COMENTARIO

Please enter your comment!
Please enter your name here