Home Hudicial Uno a haya 3 aña y e otro 3 aña y mey...

Uno a haya 3 aña y e otro 3 aña y mey debi cu a purba comete asalto arma riba Snacktruck

1
0
SHARE
- Advertisement -

Castigo di Prison

corte pa nilton (9)ORANJESTAD (AAN): Manera DIARIO a anuncia, ayera mainta Corte den Promer Instancia a dicta sentencia den e caso penal contra e dos sospechosonan di intento di asalto arma riba un snack truck esta R.E. y L.M. (20). Esaki a sosode riba 16 Februari 2015, caminda L.M. tabatin un arma y a bay riba e empleadonan pero nan a core bay y esey a haci cu no a haya placa.

   Anterior, R.E. a nenga di bin Corte y ayera atrobe. Luna pasa durante tratamento di e caso, Fiscal a exigi 3 aña y 6 luna di prison pa cada un.

    SENTENCIA:

   Ayera mainta Hues a bisa cu e dos sentencianan ta casi mesun cos y lo lesa solamente esun di L.M. Hues a bisa cu e ta haya legalmente proba cu L.M. y R.E. ta culpable di intento di asalto riba 16 Februari 2015.

Pa cu e castigo, Hues a bisa cu L.M. y R.E. a purba haci asalto arma riba un snacktruck y a dal un di e empleadonan cu e arma. Hues a bisa cu loke a sosode por causa cu e victimanan lo por keda afecta. Tambe Hues ta haya cu loke L.M. y R.E. a haci por daña e imagen di Aruba como destinacion turistico. Ademas e delito aki ta causa inseguridad den comunidad.

Hues a bisa cu e ta tene cuenta cu ta promer biaha cu L.M. ta cay sera pa un delito asina, mientras cu R.E. si a yega di haya castigo caba.

Teniendo cuenta cu tur ariba menciona, Hues a condena L.M. na 3 aña di prison y R.E. na 3 aña y 6 luna di prison. Esaki, kitando e tempo cu nan ta sera caba den KIA. Por a nota cu L.M. no tabata contento cu e sentencia. Su abogado a papia cun’e un rato.

Manera ta conoci, e acusadonan tin e derecho di apela e sentencia. Nan lo mester haci esaki den un periodo di 2 siman. Tempo lo mustra si L.M. of R.E. ta apela. Si esaki sosode e ora ey por spera cu pa otro aña Corte Superior lo trata e caso di nobo, caminda tres Hues lo bay evalua tur cos.

- Advertisement -

DUNA COMENTARIO

Please enter your comment!
Please enter your name here