Home General Un container scanner ta costa hopi placa y esun na Aruba no...

Un container scanner ta costa hopi placa y esun na Aruba no tabata den servicio pa hopi tempo

13
0
SHARE
- Advertisement -

ORANJESTAD   (AAN): Representantenan y tecniconan di Siemens tabata na Aruba caba pa haci un “review” di e containerscanner y a haci diferente trabao manera adaptacion di e sistema di computer, mantencion di e vehiculo mes y a cambia tur e “versnellers”.

Despues di e trabao haci pa Siemens e imagennan cu por observa awo ta hopi mas skerpi, segun Ricky Croes cu ta hefe di Douane.

Controla container ta un servicio cu Douane ta duna y tin gastonan envolvi. Actualmente ta buscando un manera pa incorpora e prijs den cobransanan pa por cobra e comerciante di tal forma cu e prijs di e productonan no ta conoce aumento pa e consumidor, Croes a bisa.

Un container scanner ta costa hopi placa y esun na Aruba no tabata den servicio pa hopi tempo, Croes a remarca, mester bay saca su placa prome pa despues pensa riba otro tecnologia.

Mirando cu e waf na Barcadera no ta un situacion cu lo bay cambia pa hopi aña ta pensando riba un scanner cu no ta move di su luga cu tecnologia hopi moderno. E scannernan mas nobo ta haci inecesario pa tin hopi analisis di imagen, pasobra e scanner mes ta reconoce obhetonan y ta indica kico tin den e container.

E director di Douane a bisa cu e scanner ta alivia e trabao di Douane y no mester di mucho personal mas pa haci control.

Diferente sesion di training ta tumando luga cu asistencia di belastingdienst kennis en communicatie di Hulanda. E agentenan di Douane di Aruba a yega di ricibi training caba, pero awo ta expandiendo e grupo cu lo por traha den e parti di “beeldenanalyse” y ta ampliando e conocemento di esunnan cu ya tabata traha cu e scanner caba.

 

- Advertisement -

DUNA COMENTARIO

Please enter your comment!
Please enter your name here