Home Hudicial Tres luna di prison pa duo homber gara cu lote di marihuana...

Tres luna di prison pa duo homber gara cu lote di marihuana scondi den jeansnan den maleta

1
0
SHARE
- Advertisement -

ORANJESTAD (AAN): E hombernan H.D. y W.G., na September 2015 a wordo deteni na aeropuerto ora cu nan a bin for di Hulanda cu un lote di marihuana. Ta asina cu entretanto nan a wordo laga liber y nan a bay bek Hulanda. Nan representa mr. Faarup, a presenta den Corte pa tratamento di e caso penal cu Ministerio Publico a cuminsa contra nan.

LOTE DI MARIHUANA SCONDI DEN JEANS:

E acusacion cu Fiscal a presenta contra nan ta cu riba 18 di September 2015, ambos a importa marihuana.

Hues a bisa cu for di e procesverbaal di Polis por compronde cu H.D. y W.G. a bin for di Hulanda y miembronan di Douane na aeropuerto a haya marihuana den maleta. W.G. tabatin 550 gram y H.D. 861 gram.

Ta asina cu nan ta bisa cu nan no ta hunto. Fiscal a mustra cu W.G. a bisa cu e droganan cu a hay’e cun’e ta di dje y cu e no tabata sa cu ta prohibi pa importa droga.

EXIGENCIA DI FISCAL:

Fiscal a bisa Hues cu den e saconan di diferente jeans miembronan di Douane a haya pakinan di marihuana scondi den e maletanan. Na opinion di Fiscal, e mesun forma a wordo usa pa ambos maleta. W.G. a bisa cu e conoce H.D. algun luna y no sa nada di e droga. Fiscal a conclui cu no por bisa cu nan ta hunto. W.G. a reconoce cu el a importa marihuana. Segun Fiscal, aunke cu H.D. ta desmenti, e ta hay’e toch culpable.

Na opinion di Fiscal, e hecho cu ambos tabatin e mesun forma di empaketa e marihuana ta mustra cu ambos ta culpable. El a mustra cu H.D. a bisa cu e ta bou tratamento psychiatrico pero no por a confirma esaki.

Fiscal a bisa Hues cu e ta sigui e maneho di Ministerio Publico cu pa importacion di e cantidad di marihuana aki ta exigi 3 luna di prison kitando e tempo cu nan tabata sera. El a pidi pa destrui e droga confisca.

DEFENSA ABOGADO:

Mr. Faarup a bisa Hues cu e ta comparti punto di bista di Fiscal cu no por papia di conhuntamente nan importa. E ta haya cu mester wak cada un separa. E abogado a remarca cu e cantidadnan di marihuana ta diferente y Fiscal ta exigi e mesun castigo. E ta haya cu W.G. mester haya menos.

SENTENCIA: Hues a sera tratamento di e caso y a dicta sentencia di biaha. Hues ta haya legalmente proba e importacion di marihuana. Na opinion di Hues, no por papia aki di complice di importacion. Ta un hecho cu H.D. tabatin mas cu W.G. pero no ta haya cu mester haci diferencia den castigo. Hues a confirma exigencia di Fiscal y a conena H.D. y W.G. na 3 luna di prison, kitando e tempo cu nan tabata sera y cu mester destrui e droganan confisca.

 

- Advertisement -

DUNA COMENTARIO

Please enter your comment!
Please enter your name here