Home General CAFT tin cierto duda riba entradanan den presupuesto 2016

CAFT tin cierto duda riba entradanan den presupuesto 2016

0
0
SHARE
- Advertisement -

Minister Angel Bermudez:

CAFT tin cierto duda riba entradanan den presupuesto 2016ORANJESTAD    (AAN): Minister Angel Bermudez a reuni cu e grupo di CAFT. El a comenta diabierna, e colegio tabata tey y a combersa cu nan. A sinta pa mas cu un ora cu e colegio, caminda cu e delibera riba e presupuestonan, con presupuesto 2015 ta bayendo y caminda cu tambe a discuti encuanto e supletorio lo trata den e dianan aki den Parlamento.

Ademas a papia tambe riba e presupuesto 2016 caminda cu, manera por a tende, nan tin cierto duda pa loke ta trata e entradanan cu ta premira y pa kita e dudanan ey, a propone pa bin cu un cobransa adicional, sea den forma di ABB of den aumento di cualkier otro impuesto cu tin.

A splica nan cu tin un proceso awor aki andando, cu ta e refineria, si e ta habri si of no, caminda cu a splica nan cu e decision ey cu mester cay prome cu fin di aña ta un decision asina esencial y tin asina importancia riba henter nos economia y tambe door di esey, riba nos presupuesto di otro aña, cu e ora ta prefera di warda un rato ora cu momento yega cu sa exactamente, cual ta dentro di algun siman, kico ta bay sosode cu e refineria, pasobra e impacto si en berdad logra pa un reapertura, e impacto lo ta grandi y tin su consecuencianan riba e presupuesto.

E ora a palabra pa bin cu un uitstel pa e presupuesto te cu fin di januari. Pero ya a entrege caba na parlamento. Y ta asina tambe cu a palabra cu den e prome kwartaal lo wak con e presupuesto 2016 lo bay den su ehecucion, con e ta procesando y si ta necesario cu e ora ey na luna di mei, lo evalua si mester bin cambionan den e presupuesto y si mester adapta cierto aspectonan di e presupuesto ey y pa haci’e e ora ey na un manera tempran, pa asina ey en todo caso, e presupuesto ta cubri 2016 na un manera cu en berdad lo bay logra di realisa e norm di e deficit cu tin para den ley awor aki, cu ta 2%.

Por sinti cu e colegio ta dunando consehonan menos positivo riba loke ta e presupuesto 2016. Tin un extra tempo awor aki pidi te cu dia 31 di januari 2016.

Segun e minister, como colegio, nan ta un instituto di conseho. Nan ta conseha gobierno. Esey ta nan tarea y pesey ta sinta regularmente cu nan. Ta asina cu di nan banda naturalmente nan ta purba di trece dilanti e riesgo cu nan ta weita y cu nan ta premira y a base di esey, nan ta avisa pa tene cuenta cu e riesgonan ey.

E colegio ta expresando nan preocupacion pa loke ta trata e parti di entrada di 2016 cu nan tin duda si ta logra di cobra tur e entradanan ey, manera cu a presupuest’e. Gobierno tin ma confiansa den esey, mirando tambe e plannan cu tin, e sosten cu ta bay haya.

Tambe riba tereno di cobramento di parti di Hulanda y pesey a palabra tambe cu despues di e prome kwartaal 2016 lo sinta evalua con e ehecucion ta bayendo y si tin señalnan fuerte y si tin indicacio fuerte cu tin cu haci adaptacion na presupuesto, e ora ta bin cu un nota van wijziging pa adapto e presupuesto, pa na fin di 2016 logra yega na e deficit di 2% manera ta palabra y manera ta stipula den ley.

Na e momentonan aki tin cu bisa cu si scucha bon, e Colegio su expresionnan, su opinion encuento con a bay y con ta bayendo cu e aña aki, ta loke ta un “gematigd positief” y Bermudez no tin problema cu esey.

Tur sa di e problemanan grandi cu tin y tur sa e motibo pakico Bermudez ta den e posicion awe. E tey pa yuda haci finanzas publico mas duradero y esey ta haciendo. E ta un caminda largo y no a yega ey ainda. Manera cu e colegio a bisa, a haci hopi empeño y ta riba e caminda cu ta corecto y ainda falta. Esey no mester lubida cu no a yega ainda caminda cu mester ta y cu tin cu sigui wak unda por corta gasto.

Manera cu e colegio a bisa, cu si no logra realisa tur entrada, lo tin cu wak pa introduci un entrada nobo por ehempel den ABB of aumento di cualkier otro entrada, of tin cu corta den parti di gasto, pa asina yega na e deficit manera ley ta stipula y tin cu keda monitor constantemente y evalua constantemente. Ora cu yega na e conclusion cu berdad ta indica cu tin cu haci adaptacion, lo tin cu haci’e, segun minister Bermudez.

 

- Advertisement -

DUNA COMENTARIO

Please enter your comment!
Please enter your name here