Home General Sondeando forma pa conecta fietspad di Green Corridor y Linear Park pa...

Sondeando forma pa conecta fietspad di Green Corridor y Linear Park pa maximalisa potencial di movecion y recreacion

1
0
SHARE
- Advertisement -

Premier Eman y Minister Sevinger ta sigui desaroyo di Green Corridor di cerca

ORANJESTAD (AAN):  Como un di e proyectonan di mas importante den e ultimo 50 aña na Aruba, Gabinete Mike Eman II ta sigui di cerca e avancenan tumando luga den e ehecucion di Green Corridor.

Diahuebs mainta Prome Minister Mike Eman y Minister di Infrastructura Benny Sevinger a reuni cu representantenan di Grupo Odinsa pa haya un actualisacion di e progreso.

Un delegacion lidera pa arkitecto di Caribbean Infrastructure Company, Carlos Zubieta a haci un presentacion caminda a pasa riba varios punto importante di e proyecto.

Siguientemente a bay na e sitio di construccion na altura di Ser’i Tijshi caminda e trabounan mas grandi ta tuma luga te awo. Aki por a wak di cerca, papia cu e trahadonan y intercambia mas informacion.

E compania a expresa di ta contento cu e relacion di trabou cu instancianan publico, como tambe otro companianan cu ta participando den e proyecto y e empresanan di utilidad cu kende mester coordina aspectonan esencial. Tur cos ta canando segun e plan di trabou cu a prepara.

Actualmente ta den e kilometer 1.4 cu ta forma parti di e prome fase entre aeropuerto y Spaans Lagoen. Tambe a haya splicacion di fasenan proximo manera construccion di brug, division di vianan, incluyendo e fietspad.

Un canal di 5 meter hancho ta un parti relevante den e proyecto, pasobra ta regarda e aspecto social caminda ta brinda comunidad un espacio pa recrea y haci movecion den un ambiente safe y agradabel. Aki por cana y jog, pero tambe core bicicleta of djis sinta den espacionan rondona pa flora cu ta keda preserva.

Prome Minister a indica na e desaroyando di e proyecto su deseo di por conecta e fietspad cu e extremo mas pariba di Linear Park y asina ofrece mas oportunidad na e miles di persona cu ya ta uza esaki tur dia. Esaki ta algo cu ta bay consulta y coordina cu Departamento di Obranan Publico (DOW).

Di nan banda, Grupo Odinsa tambe kier maximalisa e beneficio di Green Corridor pa e habitantenan den cercania y a planea construccion di entre otro 13 mini parke cu luga pa sinta y instalacionnan di recreo pa mucha.

Minister President Mike Eman ta haya esaki un bon idea y kier mira con ta diversifica su funcion. E mini parkenan lo ta ubica riba e trayecto di e proyecto cu ta bay for di Mahuma te San Nicolas y no ta representa un gasto adicional. Den su totalidad, ta premira cu proyecto Green Corridor ta finalisa den mita di 2017.

 

- Advertisement -

DUNA COMENTARIO

Please enter your comment!
Please enter your name here