Home Hudicial Caso di atraco di 46 mil Florin for di compania den Corte

Caso di atraco di 46 mil Florin for di compania den Corte

1
0
SHARE
- Advertisement -

Dos sospechoso ta deteni

Caso di atraco di 46 mil Florin for di compania den CorteORANJESTAD (AAN): E hombernan G.M. y U.G., e siman aki lo mester presenta dilanti Hues pa e caso penal cu Ministerio Publico a cuminsa contra nan.

Luna pasa, e caso a bin dilanti pro forma. Fiscal a splica den Corte cu e motibo cu e caso a bin dilanti pro forma ta pasobra cu ainda e procesverbaal oficial no ta cla. Sin procesverbaal no por trata e caso.

E acusacion cu Fiscal a presenta contra G.M. y U.G. ta cu hunto nan a haci e atraco riba un compania. Normalmente ta asina cu ora un caso bin dilanti pro forma, Fiscal no ta duna hopi detayes den e acusacion. Hopi biaha tur esaki ta sosode ora di tratamento di e caso, caminda Fiscal ta bisa kico tur ta sospecha e sospechosonan di a haci.

VIDEO A GRABA TUR COS: Por a compronde cu tabatin video di seguridad cu a graba tur cos. Abogado mr. Zara, cu a representa e sospechosonan, a pidi Fiscal pa e haya copia di e video pa asina e por studia esaki bon promer cu tratamento di e caso.

E caso aki lo tuma lugar diabierna awor 6 di November y DIARIO lo cubri esaki y informa lectornan kico tur a sosode den Corte.

Ultimamente por a ripara cu Ministerio Publico y Corte Comun di Husticia di Aruba, ta baha cu man duro riba atracadornan.

Esaki despues cu Hof mes na un occasion a bati riba dede di Ministerio Publico y Corte di Husticia di Aruba cu e castigonan ta mucho abao.

Hof no ta haci wega den casonan di atraco. E mayoria di acusadonan cu apela nan sentencia, ta worde avisa pa pensa bon pasobra Hof, den mayoria di caso, ta subi e castigo.

E batimento riba dede aki, a pone cu Ministerio Publico a bira mas agresivo den su maneho riba atraco y ta exigi hopi mas castigo pa e sospechoso(nan).

Ministerio Publico y Corte di Husticia cada vez ta trece pa dilanti cu atraco, atraco arma, asalto, ta daña imagen di Aruba y ta crea hopi inseguridad den comunidad. Esaki ta algo cu Corte di Husticia ta rechaza totalmente y pesey tambe ta baha cu man duro.

Diabierna lo ta interesante pa scucha con Fiscal ta bay reacciona den e caso aki. Diabierna lo haya sa kico tur a sosode y DIARIO lo informa lectornan di tur esaki.

 

- Advertisement -

DUNA COMENTARIO

Please enter your comment!
Please enter your name here