Home Hudicial Seis luna di prison pa homber cu a yuda colecta placanan di...

Seis luna di prison pa homber cu a yuda colecta placanan di chequenan falsifica

1
0
SHARE
- Advertisement -

ORANJESTAD (AAN): Diahuebs mainta e homber S., a presenta dilanti Hues pa scucha su sentencia. E acusacion contra S. ta cu entre 1 October 2009 y 1 November 2011 el a cobra un cantidad di chequenan falsifica.

Hues a bisa S. cu e ta rechaza e ponencia di abogado cu Ministerio Publico a tarda demasiado cu e caso y cu mester declara Ministerio Publico no admisibel. Pa loke ta e señalamento di S. y su abogado mr. Zara cu un di e chequenan no tabata falsifica, Hues ta haya cu enberdad tabatin un di e chequenan cu no tabata falsifica.

Hues a sigui bisa cu e ta rechaza e ponencia di abogado cu no intencional S. a bay cambia e chequenan. Hues ta haya S. culpable di complice intencional di falsifica chequenan diferente biaha.

Esaki lo mester a sosode entre 1 October 2009 y 1 November 2011 caminda S. tabata bay cambia e chequenan pa su señora L.B.

Fiscal ta haya legalmente proba cu S., intencionalmente, a usa e chequenan cu L.B. a falsifica. Ta mas o menos 200 mil Florin a worde malversa di e forma aki. El a bisa cu e ta tene cuenta cu e rol di S. den e caso aki ta menos cu L.B. y a exigi 8 luna di prison y un boet di 10 mil Florin.

CASTIGO: Hues a bisa cu pa cu e castigo, e ta tene cuenta especial cu durante un periodo di 2 aña a bay cambia chequenan cu su señora tabata traha falso. S. tabata coy e placa y deposita esaki riba nan cuenta.

Hues ta haya cu door di esaki, S. a perhudica e fondo di pension di Astec. Hues tambe a tene cuenta cu S. ta un first offender, esta cu ta promer biaha cu e ta cay sera pa un caso asina. Tambe Hues a tene cuenta cu S. a duna claridad durante investigacion riba parti di e caso.

Hues a reduci e exigencia di Fiscal. El a condena S. na 8 luna di prison di cual 2 luna ta condicional cu un tempo di prueba 2 aña. Ademas Hues a condena S. na 120 ora di servicio pa comunidad y mester haci esaki den un periodo di 1 aña.

Cu e castigo aki e chens ta existi cu S. lo perde su trabao como bode di Gobierno.

 

- Advertisement -

DUNA COMENTARIO

Please enter your comment!
Please enter your name here