Home Hudicial Castigo parcialmente condicional y trabao comunitario duna na homber acusa di comete...

Castigo parcialmente condicional y trabao comunitario duna na homber acusa di comete menaza y ladronicia

1
0
SHARE
- Advertisement -

ORANJESTAD(AAN): Recientemente e sospechoso L.J.K a presenta na corte di husticia, debi na e hecho cu el a wordo acusa di K. , conhuntamente cu un otro of otronan, ladronicia y kiebro den un cas na Paramira, di laptop(s), un tablet y un aparato  play station riba 19 di Juni 2015.

Banda di esaki L.K. a wordo acusa di a menaza un y/of dos persona cu morto riba 16 di Maart 2014, dor di intencionalmente mustra nan un spada y zwaai cu ne y bise nan: “Mi ta mata boso

Huez a cuminza repasa e procesverbal di e caso di menaza y el a indica cu na dado momento L.K a bay na trabao di su ex pareha y eynan nan a haya un discusion cu otro.

Ora cu e muher a drenta auto y core bay, L.K a subi den su auto pa persigui e muher.

Na dado momento amiga di e ex pareha di L.K a blokea L.K cu su auto y e autonan a dal den otro.

E acusado a Sali for di auto rabia y a coi algo cu tabata parce un spada for di bahul di auto y el a zwaai e den nan direccion usando palabranan menazante.

Den corte L.K a bisa huez cu no tabata un spada, sino un parti di algo cu el a uza den carnaval.

E ta di hero si, pero e no tabata nada skerpi.

El a bisa huez cu el a grita e muhernan, pero e no a menaza nan.

Huez a puntra e sospechoso dicon el a saca e pida hero for di bahul y el a bisa cu ta pasobra nan a cuminza tira botter riba su auto.

Segun L.K nan tur tabata bebi y tabata simplemente un problema di pareha.

Huez a puntre con e contacto ta entre e y su ex y el a bisa cu nan no ta cu otro mas, pero nan ta bon cu otro.

E amiga di e ex di L.K tabata presente den corte y huez a puntre si e tabata desea di entrega un demanda di daño y perhuucio.

El a bisa huez cu e kier exigi 11.000 florin.

Pa loke ta e caso di ladronicia, ora cu L.K a drenta e cas na Paramira atravez di un bentana, un bisiña a wak e y el a core su tras y gare.

L.K a laga e cosnan horta cay ora cu e tabata core.

Den corte e sospechoso a declara cu el a dicidi di bay horta door cu e tabata tin problemanan financiero y su mama ta malo.

Huez a mustra riba e hecho cu algun tempo atras L.K a haya un castigo parcialmente condicional, unda cu e parti condicional cu tabata colga riba su cabez ta 87 dia.

Como cu el a comete e dos crimennan nobo den e tempo di prueba, fiscal kier a pidi pa e 87 dianan wordo poni riba e castigo cu e lo tin cu haya.

Apesar cu fiscal a bisa cu e lo duna e acusado un chens, el a exigi 6 luna di castigo di cual 1 luna ta condicional.

Banda di esaki el a exigi pa L.K sigui guia di reclassering y sigui un training anti agression.

E fiscal a bisa si cu e ta haya cu e 87 dianan mester bin riba su castigo.

Despues cu abogado Caster a trece dilanti su defensa, huez a duna su veredicto mesora.

Huez a condena e acusado na un castigo di 180 dia, di cual e 87 dianan cu el a sinta caba ta incondicional.

E restoi cu ta 93 dia tin cu keda colga riba su cabez como castigo condicional.

En bez di pone e 87 dianan di e castigo anterior acerca, huez a pone cu L.K tin cu hasi 174 ora di trabao comunitario.

E tin cu keda bao di guia di reclassering tambe y sigui un training contra agression, durante un tempo di prueba di 2 aña.

 

- Advertisement -

DUNA COMENTARIO

Please enter your comment!
Please enter your name here