Home General Cuido medico riba tereno cardiovascular mehorando na forma increible na Aruba

Cuido medico riba tereno cardiovascular mehorando na forma increible na Aruba

42
0
SHARE
- Advertisement -

Cu yudanza di Maastricht UMC+

ORANJESTAD (AAN): Bon noticia di Maastricht UMC+, paso nan tin un estudio piloto andando cu exito cu ea entrega di atencion cardiovascular compleho na Aruba.

Esaki tin beneficionan grandi pa e pacientnan di Aruba, pasobra awor no mester bay bula bay Colombia, por ehemplo, pa por haya e operacion di valve di curazon.

E equipo di pacient di Aruba, awor cu no mester bay bula Colombia por ehemplo, pa somete na una operacion di valvula di curazon. E equipo cardiovascular Maastricht tabata haciendo tres luna di trabao na Dr. Horacio Oduber Hospital.

“Nos ta hopi agradeci na Maastricht UMC+ pa e proyecto valioso aki,” Dr. Alex Schwengle, Ministro di Salud a laga sa.

E malesanan cardiovascular ta e prome causa di morto entre e personanan cu ta biba den comunidadnan chikito manera un isla.

E problema ta cu e tratamentonan relativamente complica, manera un operacion di Bypass of un Valvula di Curazon, no por wordo haci aki den un comunidad chikito.  Pesey mes, pacientnan di Aruba, Curacao y Bonaire mester worde traslada pa Colombia, leu di famia y amigonan.

Debi cu e rehabilitacion ta socede hopi biaha varios siman leu di nan cas, y den un ambiente straño, e ora UMC+ Maastricht ta haci posible pa den e forma di un estudio piloto, e cirugia cardiaco complica, ta bira realidad aki mes na Aruba.

Ya tin pacientnan satisfecho!

E teamnan Hulandes, di e.o. enfermeronan specializa den cardiologia, ciruhanonan cardiotoraquico, anesteciologonan, y specialistanan den cuido intensivo, a opera un total di 25 pacient den cuatro luna, y a haci 32 angioplastias.

“E satisfaccion di e pacientnan y e resultadonan medico despues tabata excelente,” segun e ciruhano cardiotoraquico Krishna Khargi di Maastricht UMC+ a laga sa.  “Djis pa medio di e cadena aki di cuido, di diagnosis te cu rehabilitacion, na Aruba mes, nos por a logra e resultado positivo aki, y esaki lo por nifica hopi spaarmento di placa.”.

Pa aña como 60 pacient na Aruba ta bin na consideracion pa haci operacion di curazon, y como 120 persona pa angioplastia.

Ministro Schwengle ta mira e pilot-program aki di Maastricht como un concepto inovativo pa cuido di curazon y ader na comunidad Arubano, y e ta un paso importante pa sigui desaroya e calidad di cuido riba e isla.

 

- Advertisement -

DUNA COMENTARIO

Please enter your comment!
Please enter your name here