Home General Minister Mike de Meza ta resumi e proceso pa reduci y stabilisa...

Minister Mike de Meza ta resumi e proceso pa reduci y stabilisa prijs di awa y coriente

1
0
SHARE
- Advertisement -

Durante tratamento di Presupuesto den Parlamento:

ORANJESTAD (AAN) : Durante di e reunion di tratamento di presupuesto 2015 den parlamento, Minister Mike de Meza a resumi algun di e pasonan cu a y ta tumando pa reduci y stabilisa e prijs di awa y coriente na Aruba for di aña 2009 ora cu AVP a asumi e responsabilidad pa maneha Pais Aruba.

E gobierno nobo a drenta cu un vision y hopi determinacion pa entre otro reduci y stabilisa e prijs di awa y coriente y evita asina impactonan grandi riba economia, manera inflacion halto y debilitacion di e poder di compra di e ciudadano.

E problematica tabata existi pa añanan largo y su causanan tabata entre otro dependencia riba prijs di crudo y procesonan cu no ta eficiente ni sostenibel. Minister Mike de Meza a splica cu te cu aña 2009 Aruba tabata conoce cambio den tarifanan di awa y coriente cu tabata varia entre cuater pa nuebe biaha den un aña.

E fluctuacion di prijs tabata afecta e ciudadano, como tambe e gastonan di operacion di negoshinan. Prijsnan tabata subi ora e tarifa subi, pero no ta baha nan prijsnan ora e tarifa conoce un rebaho. Esaki tabata causa inflacion, un impacto riba e economia, tabata afecta negativamente e poder di compra di e ciudadano, como tambe e competitividad y clima di inversion di Aruba, Minister de Meza a bisa.

E situacion aki ta algo cu e ex-prome minister Nel Oduber mes a keha di dje, pero en realidad no a haci mucho cos pa remedia e situacion. “E tempo ey no tabata un plan ni un vision pa cu maneho di energia y esaki tabata bisto,” Minister de Meza a declara.

Un di e prome accionan cu e gobierno nobo bou liderazgo di Prome Minister Mike Eman, ta implementa un maneho di dividendo caminda cu nan no lo ta sacando ningun dividendo for di e companianan di utilidad. “Esaki ta contrario na locual a pasa durante di e gobierno di 2001-2009, unda a saca entre 250 pa 280 miyon Florin na dividend y winstbelasting for di e companianan”,Minister de Meza a bisa den su disertacion. “E fondonan aki por a worde laga den e companianan y inverti miho den e companianan mes na beneficio di interes general di e comunidad”, segun de Meza. “Gabinete Mike Eman si a percura pa e inversionan aki por a sigui tuma lugar.”

E mandatario a bisa cu a haci un calculacion y e placa ey por a hasta worde inverti den e comunidad mes directamente. El a agrega cu e suma aki ta cuantioso y a bisa cu si, por ehempel, e companianan di utilidad, esta WEB y ELMAR, a distribui e suma aki back na su clientenan, cada cliente a ricibi ocho aña largo 1000 Florin pa aña entre 2001 pa 2009.

E consecuencia di e ahustacion di prijs frecuente a trece cune un perdida di compra di mas di 23% na añanan 2001 pa 2005 y un perdida di mas cu 20% entre 2005 pa 2009. Esaki ta mustra con pisa e efectonan ta ora cu actua iresponsabel, sacando dividendo sin tene cuenta cu interes general di e pueblo, e minister a expresa.

 

 

- Advertisement -

DUNA COMENTARIO

Please enter your comment!
Please enter your name here