Home General Revision di maneho “Politie and Port” a tuma lugar na Hospital dr....

Revision di maneho “Politie and Port” a tuma lugar na Hospital dr. Horacio Oduber

0
0
SHARE
- Advertisement -

Señor John Fun ta relata:

ORANJESTAD (AAN) – Mas of menos dos aña pasa, funcionarionan concerni di Hospital dr. Horacio Oduber, a skirbi un documento di maneho titula “Politie and Port”.

Den entrevista cu señor John Fun cu Matutino DIARIO, el a duna nos informacion tocante kico esaki ta encera y cual ta e meta, mirando cu tabata tin un encuentro na Hospital entre KPA, Ministerio Publico y HOH, en conexion cu e nota di maneho aki.

E motibo cu a skirbi e documento aki ta pasobra antes tabata tin hopi friccion entre Hospital y Polis, pa motibo di sospechoso of criminalnan mes cu tabata wordo hospitaliza.

Asina aki, di parti di Hospital nan a stipula den un acuerdo cu e partidonan envolvi con ta bay maneha e situacionnan cu por presenta cu detenidonan cu ta wordo interna den Hospital.

Den e acuerdo aki tambe tin e condicion cu cada aña e maneho ta wordo revisa, y nan ta hacie den forma di un “dia di tema” unda cu e maneho ta wordo presenta atrobe, y e biaha aki a evalua e experiencia cu cada partido tabata tin cu e maneho aki.

Señor John Fun a señala cu sinceridad cu e friccion entre polis y e enfermeranan cu ta cuida e pacient deteni ta keda, pasobra fuera di e cuido no por revela e identidad di e pacient, y tampoco por duna informacion na ken cu ta ni sikiera polis.

Di otro banda tin e polis cu tin cu “enforce” e ley, y hopi biaha e dos aspecto ta un tiki contra otro y pesey a bin cu e documento menciona, pa bay den un dialogo y yega na un bon entendimento cu otro, y asina e cooperacion bay mihor tambe.

E funcionario a señala cu ora e detenido ta yega na Servicio di Emergencia hopi biaha tin mas problema, y por surgi hopi agresion eynan mes y e situacion ta bira un dolor di cabes pa Hospital.

Encuanto e presonan cu ta keda hospitaliza nan tin un protocol riba esaki, señor Fun a bisa y ta señora Milka Shoop, hefe di seguridad na HOH a elabora riba esaki.

- Advertisement -

DUNA COMENTARIO

Please enter your comment!
Please enter your name here