Home General Mercado Santa Rosa ta diadomingo awo na Misa Sta. Filomena Paradera

Mercado Santa Rosa ta diadomingo awo na Misa Sta. Filomena Paradera

3
0
SHARE
- Advertisement -

ORANJESTAD    (AAN):   Preparacion pa e afamado Mercado Santa Rosa ta den full swing pa loke ta trata nos Mercado di productonan fresco pa luna di juni.

Esaki lo bai wordo combina cu un tremendo celebracion di un Ratio/Telethon diadomingo awo 8 di juni pa asina recauda fondo pa Misa di Paradera cu a Misa Sta. Filomena.

Manera ta e caso cu e misa aki mester su renabacion y pa e motibo aki a dicidi di combina nos Mercado Santa Rosa hunto cu e actividad aki pa asina por yega na un suma cu e parokia aki mester pa su mantecion.

   For di mainta 10’or e actividad aki ta cuminsa y ta sigui te cu 5’or di atardi cu diferente gruponan di gospel cu lo hasi nan presentacion riba esenario.

Radio Power FM 101.7 lo tey hunto cu nos planta nacional cu ta Telearuba y tambe Diario TV kendenan lo transmiti henter e actividad aki combina cu Mercado Santa Rosa

E biaha aki y manera semper Mercado Santa Rosa su mercado lo ta bon surti cu diferente productonan fresco y produci cu productonan local. Diferente tentnan ya caba den poni cla pa wordo acomuda cu diferente di esnan cu ta bin cu nan producto pa ofrece e pueblo Arubano.

   Nos kier invita tur hende pa probecha bin hasi nos un bishita y cumpra e diferente frutanan fresco. Corda tambe cu bo por cumpra bo productonan fresco pa asina prepara un dushi plato. Nos productornan, y cunukeronan mes lo tey presente pa asina dunabo e servicio amabel manera semper.

   Manera semper e Mercado di Santa Rosa ta bon surti cu diferente productonan local saca for di e tera di Aruba. E fruta y berduranan semper tey pa prepara un dushi cuminda autentico Arubano. Boca dushi nan no por keda afor di nos Mercado Santa Rosa cu nos bishitantenan ta pidi pa esaki. Cumindanan crioyo pa tur cu no tin chens pa prepara algo di come riba e diadomingo aki tin pa saboria durante di e mercado cu ta super bon solisita. Productonan localmente traha manera e snacknan di Dabaru y tambe su likeur tey  wardando riba abo bin purbe. Nos Cunucu di Chabelito tambe lo ta habri pa entretene tur nos muchanan.

   Un invitacion na henter pueblo di Aruba engeneral pa asisti sin falta na nos Mercado Santa Rosa diadomingo awor for di 10’or di mainta te cu 5’or di atardi na parkeerplaats di Misa Sta. Filomena na Paradera pa e Radio/Telethon pa asina recauda fonda pa renobacion di nos parokia.. Hasi nos un bishita sin falta y haya tur producto na alcanse dibo cartera.

- Advertisement -

DUNA COMENTARIO

Please enter your comment!
Please enter your name here