Home Policial Cantidad di huls descubri den cervania di corte

Cantidad di huls descubri den cervania di corte

0
0
SHARE
- Advertisement -

ORANJESTAD.(AAN): Personal di CEA atento a bati alarma diahuebs mainta trempan, ora el a descubri cantidad di huls den cercania di corte di husticia den Eman straat.

Mesora cu central di polis a ricibi e informe nan a dirigi polis di Oranjestad direccion corte.

Na yegada polis a constata enberdad seis “Huls” y mientras tanto recherche tecnico tambe a presenta y e huls nan a wordo confisca y recherche tactico a wordo poni na altura di e caso.

Awor lo ta pa saca afor con bini of kende lo a laga e hulsnan atras. No ta menciona den e informe di polis e caliber.

Un biaha ta wordo proba cu ta circula hopi arma riba nos Isla pasobra unda tin bala tin sea pistol of revolver y esaki sin menciona e arma potente cu a disparce na un di e servicionan di gobierno anterior.

 

.

Ladronicia di television ta “as” pa ladron nan

ORANJESTAD.(AAN); Na un direccion den “Caya di Campeonnan”  polis a presenta pa atende ladronicia reporta. Polis a atende e supervisor di front desk y el a declara cu e cas/vacation desde 1 te cu 4 di juni a huur nan, normal ta controla e casnan prome cu nan huur nan. Diahuebs nan a controla y nan a constata, cu desconoci nan a bay cu un television di 32” y pa cual a entrega denuncia oficial di ladronicia. Diahuebs tambe ladron a horta den un cas na Brasil. Segun e denunciante desconocinan a destrui porta di cushina pa a drenta den cas y e intruso, a bay cu television.

“Bin Laden” di ta “Tico” a dune e “Golftas ” 

ORANJESTAD.(AAN); Polis motoriza durante trafico pisa ta yega den un fraccion di tempo pa cualkier asistencia. Diahuebs mainta, central di polis a dirigi polis motoriza altura di Aruba Juniors pa un persona sospechoso cu ta den poder di un Golf tas.

 Na yegada polis a haya e sospechoso choller Gabriel Alejandro B. mihor conoci como “Bin Laden”. Polisnan a puntra e sospechoso con el a yega na e golf tas y  “Bin Laden” a contesta, cu e conocido choller “Tico” S. a dune. Segun e sospechoso, e golf tas tin por lo menos dos siman den poder di “Tico” y pa cual el a dicidi pa podera di golf tas.  Polis a confisca e golf tas y a entrega esaki na departamento di recherche Oranjestad pa mas investigacion.

 

Cu foto EPB

==============

Alumno di EPB deteni cu arma den su psesion

ORANJESTAD.(AAN); Danki na informe suministra pa alumno, polis a pone mesora nan colega polis na altura pa nan por a pone man riba e sospechoso. Diahuebs transcurso di mainta, Polis a bay EPB  na San Nicolas, situa den Caya Jose Geerman debi cu lo tin un hoben cu arma den su poder. Patruya den un fraccion a yega na e sitio indica y e informe a wordo confirma. E mucha homber a bula muraya y conforme reglamento, mesora  personal di seguridad a cuminsa listra y a wordo haya den su poder scopet di aire. E hoben sospechoso di inicialnan C.E. 17 aña a keda deteni y a transporte pa warda di polis San Nicolas pa mas investigacion y e arma wordo confisca como evidencia.

- Advertisement -

DUNA COMENTARIO

Please enter your comment!
Please enter your name here