Home Politica AVP a bolbe hay’e mal sirbi na Hulanda

AVP a bolbe hay’e mal sirbi na Hulanda

0
0
SHARE
- Advertisement -

MEP: Reunionnan na Hulanda

ORANJESTAD    (AAN):  Reunionnan di parlamentonan di Reino ta continua na Hulanda, y apesar cu e tema integridad ya a wordo trata caba diaranson, toch diahuebs Desiree Croes, den nomber di AVP, a bolbe teima riba e nota cu MEP a entrega.

Desiree Croes kiermeen cu e nota no ta carga aprobacion di AVP y pesey e ta exigi pa no acepta e nota como parti di e documentonan di e reunion.

Mesora Desiree Croes a wordo ataca pa parlamentarionan especialmente di Curacao cu ta cansa caba cu AVP kier boycotia e tema di integridad pa varios anja caba. Tambe di parti di parlamentarionan di Hulanda tabata tin basta critica riba e actuacion aki di AVP.

Pero tambe e presidente di e reunion, Jeroen Recourt, parlamentario di PvdA na Hulanda, a para Desiree Croes mesora, y a bis’e cu ya diaranson a keda dicidi cu e nota di MEP ta keda acepta pa e reunion, y nada cu AVP hasi por cambia esey.

No a keda Desiree Croes nada otro cu baha cabes y acepta cu e biaha aki si AVP no a logra su meta di silencia oposicion.

Naturalmente tabata un berguensa total locual Desiree Croes a hasi. 

Marisol Lopez-Tromp

Mester remarca cu presidente di Parlamento Marisol Lopez-Tromp a laga masha di desea, mirando cu e a permiti tur e escandalo aki di parti di AVP. Pa colmo e presidente di Parlamento no a crusa ni un palabra cu e lider di delegacion di MEP Xiomara Ruiz-Maduro, apesar cu tur hende sa cu ta Xiomara ta na cabes di e delegacion di MEP. Pa un presidente di parlamento keda sin bisa bon dia na un parlamentario di su pais, ta un muestra palpable cu Marisol Lopez-Tromp no ta apto pa su funcion.

Jennifer Arends-Reyes

Un parlamentario nobo cu a hasi un actuacion masha bochornoso ta Jennifer Arends-Reyes, na momento cu e griffiernan hulandes tabata partiendo e nota di MEP, Jennifer Arends-Reyes na forma masha bulgar a grita cu e no kier a nota, y varios hende den e sala por a scuche. Esaki a cai masha straño mes cerca e mayoria di e parlamentarionan di demas paisnan cu no ta custuma cu comportacion asina infantil. Na Aruba tur hende conoce Jennifer Arends-Reyes como esun cu ta hasi sonido di porco, y chercha di hende gordo den Parlamento y na television. Pero pa e bai hasi un comportacion asina na Hulanda, ta algo di condena.

Delegacion di AVP ta hopi swak

Tur cu tur e delegacion di fraccion di AVP a demostra cu nan ta masha mal prepara, y no por para y defende ningun punto drechi. Un berguensa total!

- Advertisement -

DUNA COMENTARIO

Please enter your comment!
Please enter your name here