Home General Aruba Tourism Authority a topa cu mas di 150 agente di biahe

Aruba Tourism Authority a topa cu mas di 150 agente di biahe

0
0
SHARE
- Advertisement -

Durante dos dia di reunionnan intenso na Merca

ORANJESTAD(AAN)–E siman aki Aruba Tourism Authority a organisa dos dia intensivo di encuentronan cu mas di 150 agente di biahe, unda cu representantenan di benta y mercadeo di nos isla por a presenta nan producto y reenforsa nan relacion cu e agentenan.

E encuentronan tabata specificamente pa e mercado North East di Merca, unda cu e popularidad di Aruba ta “top”. Sin duda un bon oportunidad pa e agentenan di biahe por a topa personalmente cu tur esnan cu ta bende Aruba diariamente na Merca.

Riba dialuna Aruba tabata na Long Island for di mainta te atardi, unda a bishita diferente agencia di biahe.

Cada socio participando a ricibi for di Aruba Tourism Authority paketenan cu informacion pa entrega na e agentenan durante nan bishita. Comparti den diferente grupo mas chikito, nan a bishita 37 agencia di biahe den un dia. Tur e agentenan cu nan a bishita ta agentenan “Aruba Certified Expert” (A.C.E.) cu ta raporta bek na Aruba Tourism Authority tocante nan “performance” pa cu Aruba.

E delegacion di Aruba a conta cu representantenan di Bucuti & Tara Beach, Renaissance Resort, Manchebo Hotel, Occidental Resort, Radisson Resort, Amsterdam Manor, Hyatt Regency, Marriott Resort, Brickell Bay Hotel, Holiday Inn Hotel, The Ritz-Carlton y Talk of the Town, como tambe representante di De Palm Tours.

E mesun atardi, despues di un dia bastante druk, e delegacion a reuni hunto y tabata anfitrion di un cena cu agentenan A.C.E cu tin e status di V.I.P, unda atrobe a comparti informacion tocante turismo di Aruba y a cultiva lasonan di amistad.

Riba diamars a concentra riba agencianan di biahe na New Jersey cu ta specialisa den biahe di luho. Aki nan a tene dos presentacion y a bishita diferente agencianan di biahe.

Aruba Tourism Authority y tur nan partner cu a forma Team Aruba a topa cu mas di 150 agente di biahe durante e dos dianan aki y ta sumamente contento di e feedback cu a ricibi di e agentenan di biahe. Den e era di comunicacion digital y informacion rapido, e contacto personal pa por identifica “e cara tras di e stem” y adres di email ta keda importante. Ademas e agente di viaje ta keda ta un punto clave den e proceso di organisa un vacacion/viaje, esaki a bin dilanti na varios ocasion dor di diferente orador, incluyendo ‘Google’ durante di un retreat di ATA cu a sigui na e mercado di Merka.

Durante e bishita y encuentronan manera cu a tuma luga dialuna y diamars, Aruba, conoci pa su hendenan cariñoso, pa su hospitalidad y servicio di calidad halto no ta solamente ta presenta Aruba como isla y Aruba como destinacion pa bende, pero principalmente ta reenforsa amistadnan existente y cera amistadnan nobo.

- Advertisement -

DUNA COMENTARIO

Please enter your comment!
Please enter your name here