Home General Negoshi cu ta uza empleado contrata y ta purba di scapa belasting...

Negoshi cu ta uza empleado contrata y ta purba di scapa belasting ta pa pasado

3
0
SHARE
- Advertisement -

Ley di ketenaansprakelijkheid a keda aproba y lo trece responsabilidad pa e contratista principal

ORANJESTAD (AAN): Parlamentario Chris Dammers ta president di comision di di finanzas y situacionnan economico. E ley di ketenaansprakelijkhijd ta un ley di 2007 pa 2008 unda cu e la wordo entrega tempo di gabinete oduber den pasado pero nada no a wordo haci cu e ley.

Parlamentario Dammers ta duna di conoce cu na momento cu AVP a drenta parlamento na 2009 e minister actual di finanzas Juan David Yrausquin a mira e necesidad hopi urgent  y tambe a mira e aspectonan bon di e ley cu a keda den lachi pa hopi aña y cu awor a saca e ley y trece di biaha padilanti. E ley su nomber ta papia pa su mes cu ta ketenaansprakelijkheid.

 Segun parlamentario Dammers esaki ta significa cu na momento cu bo ta den cadena y tin un trabao di construccion grandi ta haya un dunador di trabao y na unda cu un contratista ta tuma e trabao, pero no na tur momento e tin tur e persona nan den servicio cu ta pone cu e ta uza hopi subcontratista.

Segun parlamentario Dammers aki ta caminda cu e problema nan ta cuminsa unda cu ta haya un persona ta tuma un trabao y ta uza diferente hende pa subcontratista y pa un of otro motibo e negoshi ta bay malo y nan no ta cumpli cu belasting.

 Loke cu si por a tuma nota cu nan ta kita AOV y belasting for di e salario di e trahador, despues di un paar di luna hopi di e contratistanan aki ta sera nan portanan y e placa cu nan mester entrega na gobierno no ta wordo entrega. Sinembargo gobierno sit a tene cuanto cu esaki nan den e presupuesto annual, pero e caha di gobierno ta keda cu un buraco unda cu e placa cu mester drenta no ta drenta. Segun parlamentario Dammers Minister di finanzas na varios ocacion a trece padilanti cu e sumanan aki cu e belasting, AZV,AOV no ta wordo paga den cifranan di belasting  ta sali na cla cu ta cifranan di mas cu 10 miyon pa aña. Awor cu e ley di ketenaansprakelijkheid a keda aproba den parlamento e ta trece cierto responsabilidad pa e contratista principal.

 Mester busca cartanan di garantia unda cu cada 3 luna mester por mustra prome cu e subcontratista ricibi e placa pa por paga e cuentanan na belasting mester wordo paga. Asina  ta comproba cu e placa di belasting a wordo paga mane cu e ley ta stipula. E ley aki no ta conta solamente pa e contratistanan di construccion so, pero den tur sector manera den hotel, banda tambe, esaki ta conta pa tur compania cu ta haci uso pa tuma den servicio personanan via di un otro compania. Tambe lo ta bay tin diferente controlnan cu mester tuma luga door di departamento di belasting y na unda cu lo tin diferente cursonan y tambe comunidad mester wordo informa di e ley debidamente tambe.

- Advertisement -

DUNA COMENTARIO

Please enter your comment!
Please enter your name here