Home General Baby haya na Parkietenbos a haya un nomber y fam via bevel...

Baby haya na Parkietenbos a haya un nomber y fam via bevel di Ministerio Publico

4
0
SHARE
- Advertisement -

ORANJESTAD   (AAN):   E baby cu a wordo haya dilanti di un cas na Parkietenbos tin un nomber. Censo a haya un notificacion di ministerio publico caminda via un documento ta duna e criatura un nomber.

    Den entrevista cu Sharin Luydens directora di Censo el a confirma esaki tambe. Ta un proceso normal caminda un mucha cu nace den cinco dia mester wordo registra na Censo. Den e caso aki e mucha a nace diadomingo y diamars caba Ministerio Publico a manda e nomber preto riba blanco.

    Esey no nifica cu den futuro no por cambia e acta. Esaki por sosode y tin su proceso naturalmente pero tur cos a base legal. 

     Sharin Luydens a splica cu registra civil tin su regla. Tur hende cu nace, casa, divorcia y muri na Aruba Censo mester traha un acta. Den e caso aki cu e baby mirando cu el a wordo laga atras voogdijraad hunto cu ministerio publico ta cana e caminda pa registra e mucha.

   E inscripcion a tuma lugar y ministerio publico a notifica cu e mucha no tin mama y pesey nan mester a dune un nomber.

   Sharin Luydens a splica si mañan e mama of tata aparece lo pone e nomber corecto of real. Mester pone cla di unda e mucha a bin. E fecha cu a pone pa e mucha su nacemento ta 5 di Januari. E proceso manera cu e mucha nace ta e tata ta obliga y mama autoriza pa duna e mucha su registracion na Censo. Si esaki no  pasa e ley ta prescribi unda Censo ta notifica ministerio publico y nan ta sigui cu nan proceso.

     A base di un carchi roos cu bo ta haya na Hospital mes e mayornan ta bin registra un mucha. Mamanan soltero mester por duna autorizacion pa tata registra.

- Advertisement -

DUNA COMENTARIO

Please enter your comment!
Please enter your name here